Cassa, loron 24 fulan Maiu 2022 ho ksolok bo’ot hamutuk ho labarik, foinsa’e no familia sira selebra Solenidade Maria Auxiliadora, nu’udar inan no tulun nain. Nu’udar FMA ami hamutuk ho labarik no foinsa’e sira agradese ba Maromak ba tinan ida ne’e ita tama iha tinan kmanek no grasa nian ba 150 anos instituto nian moris. Iha selebrasaun Eucaristia padre selebrante mak padre Pio, husi quase paroquia Hatudu ne’ebe ho laran luak simu konvite hodi mai selebra festa Maria Auxiliadora hamutuk ho ami iha Igreja são Jose Cassa. iha nia homilia dehan: Titulo Maria tulun nain fo husi amu Papa Pio V tanba manan iha funu Leopanto.
No iha pontificado amu papa Bento XVI nian entrega Nasaun China ba Maria Auxiliadora nia liman, hodi husu ba sarani sira atu resa ba nasaun China.
Hanesan Evangelho são João haktuir: Wanhira Nai Feto ba tuir festa iha Caná nia ba halo saida? nia ba hare ema seluk nia presisa hodi fo tulun. Nai feto mak edukadora bo’ot, nia akompaña nia oan Jesus to’o halo milagre dahuluk iha festa casamento Caná nian. Nune’e ohin loron inan sira hatene eduka no akompana oan sira? iha moris fiar, iha moris loro-loron, atu oan sira hatene hili buat ne’ebe diak no tulun ema ne’ebe presisa. Hanesan Maria ne’ebe akompaña Jesus iha festa, no nia hateke hetan ema nia presisa, “tua la iha ona” . No nu’udar edukador akompaña nia oan Jesus to’o iha Krus no Jesus enterga ba Maria nia liman kreda nia oan sira. No nia hanorin ita atu rona no halo tuir buat ne’ebe Jesus haruka.
Depois de missa Oratoriano sira kumprimenta Padre, familia no mos Ir. Armenia ne’ebe selebra nia tinan moris. No remata ho merenda hamutuk.
(FMA Cassa)
