Dili – Iha loron 4 Outubru 2016, Familia Salesiana halibur hamutuk Dili atu partesipa 11 Kongresu Antigus Alunus Don Bosco ne’ebe’ organiza husi Antigus Alunus Salesiano Timor Leste, nudar uma nain iha kongresu ne’e. Nudar fatin ba Kongresu mak Sentru Konvensaun Dili (CCD).
Nasaun partesipante mak: Japaun, korea, Macau, Thalandia, Philipines, India, Indonesia no Australia. No bainaka espesial husi Roma mak: padre delegadu Mundial Antigus Alunus padre Raphael Jayapalan, Presidente Confederasaun Mundial Mr. Michael Hort, Vice presidente Confederasaun Mundial no responsavel Regiaun Asia Ociania Mr. Rajesh Gupta, no GEX Vice Presidente Federasaun Mundial Mr. Angel Gudiña.
Nudar membru familia salesiana iha mos partesipasaun husi FMA nain 4. Madre Alma nudar provincial Timor –Indonesia, iha mos ir. Maria Letizia, ir. Ermelinda da Silva no ir. Sebastiana.
Nee’ mak momentu istoriku ida ba familia salesiana iha rai Timor Leste, liuliu Antigus Alunus Salesiano sira ne’ebe’ simu knar ba Congresu International ida ne’e.
Nudar Don Bosco nia oan sira, kongresu ne’e hahu ho Misa Solene preside husi Don Virgilio do Carmo, bispo dioseze Dili nian, iha Parokia Maria Ausiliadora – Komoro, hafoin iha bemvindos husi pe. Provincial Timor Indonesia, PE> Apolinario, SDB ba delegado sira husi rai liur iha gym Don Bosco hodi jantar hamutuk.
Iha loron daruak 5 Outubru iha CCD- Dili, congresista sira hotu halibur hamutuk, hodi loke Ofisialmentu Kongresu International ne’e, husi Presidente Antigus Alunus Mundial Mr. Michale Hort.
No husi membru Konsellu Antigus Alunos Mundial, aprezenta ba asembleia kona ba sira nia Misaun; “Partilha ita nia matenek no kompetensa sira nudar leigus professionais hodi servi ba membru sira hotu iha familia salesiana no sosiedade hodi kumpri ba Lema:” Sidadaun onesto no kristaun ne’ebe’ diak”.
No sira-nia Vizaun;” “Servizu hodi ajuda Antigus Alunus de Dom Bosco sira, atu sira sai nudar Masin rai nian no Naroman mundu nian”.
Husi Presidente Mundial Antigus Alunus hamutuk ho ninia vice nain rua, ho intuziasmu juvenil salesiana fahe mos sira Preoridade 7 iha Konfederasaun Mundial Antigus Alunus Don Bosco ho sira nia Valores ira nudar Don Bosco nia oan sira ne’ebe’ kompremetidu iha sosiedade. Sira husu ho konviksaun ba Antigus Alunus sira hotu, tenki hamrik metin ba sira nia Valores sira. Hanesan: “Life, Truth, fraternity, Freedom, Society and Communion”. Ho Valores hirak, Mr. Michael fo hanoin ba Antigus Alunus Don Bosco, atu hamrik metin ba “Social Teaching of the Church”.
Kongresu International Antigus Alunus ne’e, tuir President ho konsillu Konfederasun Mundial konvida atu membru hotu tenki lori nafatin iha sira nia moris liafuan hirak ne’e:”Come Don Bosco, con I giovani, per I giovani”. Ho ida, bele Don Bosco moris nafatin iha ita nia tempu, atu salva foinsa’e sira iha parte hotu ne’ebe’ eziste Don Bosco nia oan sira!
Viva Don Bosco!
(Sebastiana Soares)
