Balide, 08 Setembru 2019, iha Loron Natividade Nain Feto nian mak sai marka ida ba Antigos Alunos FMA nian ne’ebe ohin halibur hamutuk iha Komunidade Saun Joaun Bosco Balide kompostu husi Komunidade Balide ho membru hamutuk 10, Comoro, 17, Baucau 7 e Fuiloro 2, total membru sira hamutuk 36 pesoas. Tempu hanesan komisaun da meja ne’ebe lidera husi Sra. Natalia Rocha aprezenta Rezimentu Kongresu Federasaun Antigos Alunos Santa Maria Mazzarello hodi estuda no reflete hamutuk Artigo sira ne’ebe prepara no liga ho estrutura FNAASMM nian.
Iha loron nee mak konsege realiza hodi hili estutura FNAASMM ba dala uluk iha Balide ho partisipante kada uniaun sira ho total hamutuk 36, inklui mane 5 feto 31. Votasaun Prezedente ba FNAASMM mak Senhor Cipriano Oliveira ho voto maioria 32, Vice Prezidente ho voto 31 monu ba Senhora Saturnina Fernandes no mos Sekretaria Senhora Maria Fatima ho voto 25.
Ho votasaun simples ne’ebe halao iha loron ne’e, bele dehan katak ohin mak loron hahu loke ba Federasaun Nacional Antigos Alunos Santa Maria Mazzarello Timor Leste ne’ebe durasaun ba tinan tolu nia laran (2019 to’o 2022)
Lia menon husi Prezidente Federasaun foun mak agradese tanba fo ona konfiansa ba sira atu lidera ba tinan 3 nia laran, maibe ida ne’e presiza membru ida-idak nia kontribusaun mak bele fo kmaan ba serbisu ne’e. Hamutuk mak ita bele hala;o no bele ba oin ho susesu.
(Ines Bartolo Freitas)
