Liu tiha tinan tolu estuda iha eskola Maria Auxiliadora ohin ha’u Fanisha de Araujo husi 90 ano A iha kolega sira nia naran hakarak agradese hodi dehan:
“Hanesan uma mahan ne’ebé fo mahan mai ami ho moral no étika ne’ebé mesak furak tebes hato’o ami nia agradese.
Tinan tolu (3) nia laran sai hanesan alunu/a iha fatin ne’e, agradese tebes ba edukador/formado/professor/a sira hotu nia pasiénsia no matenek ne’ebé ami simu no aprende.
Agradese ba tinan tolu (3) nia laran ne’ebé nakonu ho história barak no esperiénsia sira ne’ebé hetan iha uma mahon (Maria Auxiliadora) ida ne’e.
Ami nia agradese boot ba Inan ou ami nia mahein Maria Auxiliadora ne’ebé sempre hamahan ami iha fatin ida ne’e atu sai nafatin alunu/a ne’ebé di’ak no halo ami sai familia ida iha mos fatin ida ne’e.
Ami nia agradese wain mós ba Madre Diretora no mós madre sira hotu ne’ebé sai hanesan ami nia edukadora/ formadora iha fatin ida ne’e.
Agradese boot, tan madre no edukador/a sira hotu nia esforsu la senti hela loron hira deit ami nia ain sorin hakat ona ba Ensinu Sekundariu.
Agradese Nai ba tinan tolu(3) nia laran iha fatin furak ida ne’e, se la ho madre no edukador sira nia laran luak ami labele sai hanesan agora dadauk, agradese tebes…
Ikus nian agradese mós ba mana maun sira ne’ebé tau matan no mantein nafatin ambiente eskola mós, furak no ordem. Obrigada ba imi hotu”.
