RV/Redasaun – Katekeze iha tinan 2018 kontinua ho tema Santa Missa nian. Nune’e iha loron 3 Janeiru tinan 2018, Amu-Papa ko’alia kona-ba ritu penitensiál, iha kontestu ritu inisiál sira-nian. Amu-Papa destaka nesesidade atu sente nu’udar ema maksalak iha Maromak no maun-alin sira nia oin, hodi konfesa salan sira ho sinseridade.
“Ema ne’ebé konxiente kona-ba ninia mizéria rasik no hakruuk nia matan ho umildade, sente Maromak nia hateken mizerikordiozu ba nia. Ita hatene husi esperiénsia katak ema ne’ebé hatene rekoñese nia salan de’it no husu deskulpa mak simu komprensaun no perdaun husi ema seluk”, nia hateten.
Papa Francisco esplika katak, iha atu penitensiál, ema ida-dak konfesa ba Maromak no ba maun-alin sira katak nia sala iha hanoin, iha liafuan , hahalok no mós iha omisaun, katak, husik atu halo di’ak ne’ebé nia bele halo. Nia hateten, la to’o atu la halo aat, presiza halo di’ak hodi aproveita okaziaun sira atu fó sasin katak ita Jezús nia dixípulu. “Salan hakotu: hakotu relasaun ho Maromak no hakotu relasaun ho maun-alin sira, relasaun iha família, iha sosiedade, iha komunidade: salan nafatin hakotu: separa, fahe”.
Papa Francisco rekoñese katak susar atu sdmiti an nu’udar ema maksalak, maibé halo di’ak atu konfesa ho sinseridade. Iha katekeze nia rohan, nia temo eemplu ruma figura bíblika “penitente sira”, ne’ebé depoizde halo salan, sira hetan korejen atu hasai máskara no loke an ba grasa ne’ebé hafoun fuan: liurai David, oan ne’ebé lakon, Zaqueu no feto Samaria nian.
“Tanesan an ho tahu ne’ebé uza hofi forma ita mak esperiénsia ida ne’ebé habiit: enkuantu tau ita iha frakeza nia oin, nia loke ita-nia fuan atu invoka mizerikórdia divina ne’ebé transforma no konverte. No ida-ne’e mak ita halo iha atu penitensiál iha inísiu Missa nian”.
