Notisia husi Roma (Italia), Madre Chiara Cazzuola maka Susesora ba dala 10 Maria Domingas Mazzarello nian. Moris iha Campiglia Marittima – Livorno (Itália) iha tinan 1955, nia halo nia Profisaun Relijioza iha Institutu FMA iha Castelgandolfo (Roma) iha loron 5 Agostu 1975. Graduadu iha Matéria Literária, nia nu’udar Profesora ba tinan balu no, tuirmai, Diretora iha Eskola Média no Sekundária. Hafoin, sai Animadóra Komunidade no depois Konselleira Inspetorál. Iha tinan 2001, ho unifikasaun Inspesaun tolu inspetoria Emília nian, insp. Ligúria no insp.Toscana nian, nia hetan nomeasaun nu’udar Konselleira Inspetora ba Formasaun no fó nia kontribuisaun hodi favorese dalan sira komuñaun nian, espiritualidade iha estilu ida simplisidade nian, respeitu ba ema sira no profundidade nian. Iha tinan 2007 nia hetan nomeasaun nu’udar Inspetora hosi Inspesaun Emilia-Liguria-Toscana Madonna del Cenacolo (ILS), ho sede iha La Spezia. Kapitulo jeral XXII tinan 2008 hili nia nu’udar Konselleira Vizitadora. Iha períodu tinan neen, 2008-2014 nia vizita Inspetoria sira Amérika no Europa nian. Iha tinan 2014 Madre Yvonne Reungoat nomeia nia nu’udar Reguladora ba Kapítulu Jerál XXIII no iha Kapítulu hanesan nia eleita nu’udar Vigária Jerál. Iha Fevereiru 2019 Madre nomeia nia nu’udar Reguladora ba Kapítulu Jerál XXIV no iha loron 5 Outubru 2021 iha Kapítulu hanesan nia eleita nu’udar Madre Jerál.
http://DikastériubaInstitutuVidaKonsagradaSosiedadeVidaApostólika nian promove, anima no regula prátika konsellu evanjéliku sira-nian, tanba moris iha forma sira vida konsagrada nian ne’ebé aprova ona, no mós kona-ba moris no atividade Sosiedade Vida Apostólika nian iha Kreda Latina tomak. Responsabilidade Dikastériu atu aprova Institutu sira Vida Konsagrada nian no Sosiedade sira Vida Apostólika nian, deside atu hari’i no fó lisensa ba validade atu harii Institutu Vida Konsagrada ka Sosiedade Vida Apostólika tuir direitu diosezano hosi Bispu. Dikastériu serbisu atu asegura katak Institutu sira Vida Konsagrada nian no Sosiedade sira Vida Apostólika nian progresa hodi tuir Kristu nu’udar Evanjellu propoin, tuir Carizma loloos ne’ebé moris hosi fundadór nia espíritu no tradisaun sira ne’ebé di’ak, buka ho laran-metin sira-nia propózitu rasik no kontribui ho efetivu ba harii Kreda no ninia misaun iha mundu.
Hodi simu notísia ne’e, Madre Chiara agradese ba Santu Padre, ba Prefeita, Irmán Simona Brambilla no Pró-Prefeitu, Kardeál Ángel Fernández Artime, ba nomeasaun ida-ne’e: “Ha’u hein atu to’o ba misaun ne’ebé Kreda husu mai ha’u, ha’u sei halo ho fuan tomak hodi Institutu nia naran, no ha’u agradese ba konfiansa ne’ebé imi simu”.
Obrigada wain Madre Chiara ba ita-boot nia disponibilidade, Institutu tomak haksolok ho ita-boot no ho laran-di’ak dezeja caminho di’ak ba ita-boot, hodi garante ba ita-boot ho orasaun no kompromisu fidelidade nian ba Kreda no ba Amu-Papa, hanesan Don Bosco, ne’ebé ohin selebra ninia festa onomastiko, no Madre Mazzarello, selebra aniversariu kanonizasaun nia ba dala 74 (24 junho 1951). Iha loron 24 fulan ida ne’e, atu Maria Auxiliadora gia no akompaña ita ho ternura iha misaun foun ida ne’e.
Fonte: cgfmanet
