ORASAUN SARAN UMA NIAN BA MARIA SARANI SIRA-NIA TULUN
Virjen Maria Santíssima,
ne’ebé Na’i Maromak hili
atu sai Sarani sira-nia Tulun;
ami hili Ita-Boot
nu’udar ami-nia uma nia Inan no Ulun.
Ami husu ba Ita-Boot
atu haraik mai ami
Ita-Boot nia protesaun.
Hasai ami-nia uma husi susar,
husi ahi, rai-nabeen, rai-lakan, tempestade,
rai-nakdoko, naok-teen, ema aat
no husi susar hotu-hotu.
Fó bensa mak ami, proteje ami, defende ami;
haree ba ami nu’udar Ita-Boot nian,
ema hotu ne’ebé hela iha uma ne’e nia laran.
Hadook husi ami terus no susar hotu-hotu
No liuliu haraik mai ami
grasa atu hadook an husi salan.
Maria Sarani sira-nia Tulun,
harohan mai ami be hela iha uma ne’e,
ne’ebé saran tiha ona ba Ita-Boot ba nafatin.
Amén.
