Progamasaun ba tinan 2022-2027
Dili – Depoizde fulan neen remata Kapítulu Jerál XXIV no simu Konsellu Jerál nia programasaun, ohin, 29 Abríl, komunidade edukativa Inspetoria FMA TIN bele marka prezensa iha soru-mutu atu halo programasaun ba tinan 2022-2027.
Programasaun ne’ebé sei hala’o to’o loron 3 Maiu, nia partisipante sira mak FMA na’in tolunulu-resin-tolu no joven no leigu hamutuk na’in ruanulu-resin-neen. Bele dehan katak númeru kuaze hanesan.
Programa hamutuk tulun ita atu hateke bá oin no la’o hamutuk, ho Institutu tomak, atu “hanesan Maria, sai prezensa ne’ebé fó moris”. Iha liafuan benvinda nian, Ir Alma Castagna, inspetora FMA TIN nian, fó kritériu ruma atu hala’o programsaun nu’udar ofisina ida sinodalidade misionária nian: esensialidade, envolvimentu, partisipasaun, koordenasaun, dixernimentu no desizaun kompartillada. Ita nia metodolojia mak metodolojia ne’ebé Papa Francisco propoin ba dixernimentu: haree realidade, interpreta hodi konfronta ho programsaun Konsellu Jerál nian mós, no halo hilin sira. Hanesan ita hatene ona, Kapítulu Jerál nia hilin tolu mak formasaun, sinodalidade misionária no ekolojia integrál, ne’ebé ita mós buka atu implementa iha ita-nia realidade.
Depoizde introdusaun husi Ir Alma Castagna, kontinua ho orasaun kalan hamutuk no iha orasaun laran, Irmán sira simu “Atu Kapítulu Jerál XXIV” no foin-sa’e no leigu/a sira simu parte ida hilin sira Kapítulu Jerál nian.
Husi loron 30 Abríl to’o 3 Maiu ninia lala’ok sei tuir metodolojia dixernimentu nian : haree, interpreta no hili.
(JG)
