Fuiloro – Iha Domingo, 25 Abril loron ne’e dedika nu’udar “Domingo Bom Pastor” ou Domingo vokasaun nian, tempu hanesan mós Agradese ba Madre Yvonne Rengout nudar Inan e tali uniaun nian ba FMA iha mundu tomak. Tema ba festa nee mak: “ Iha rede ba Kultura ida moris nian”.
Iha loron 24 Abril, oras tuku 16:00 Komunidade halo inisiativa konvidade oradores sira ne’ebe sei fahe esperensia kona ba Vokasaun oin –oin iha Kreda mak hanesan :
- Vokasaun harii familia sei hato’o husi Sra. Giorgina Gaio
- Vokasaun Moris Mesak seei hatoo husi Profesora Claudia Mendes
- Vokasaun nu’udar Relijioza sei hatoo husi Ir. Ana Cesaltina de Jesus Freitas, FMA
- Vokasaun nu’udar Sacerdotal hato’o husi Pe. Rolando Fernandes, SDB
Vokasaun harii familia ne’ebe hatoo husi Sra. Giorgina Gaio, dehan katak familia mak airin metin ba oan sira nia kresimentu. Nia fahe nia esperensia oinsa moris iha familia laran, iha armonia bainhira buat hotu lao diak maibe mós bele hetan problema bainhira buat hotu la fo kontente iha familia laran.
Eduka oan sira la fasil, presisa sakrifisiu no domin boot atu sir abele deskobre liutan volores humano no Kristaun diak ne’ebe inan Aman sira kuda iha oan sira nia jornada moris nian.
Profesora Claudina fahe mós esperensia kona ba Moris mesak ou deside la kaben. Nia esperensia dada liu foinsae sira nia atensaun e mósu perguntas oin-oin. Nia deside atu moris mesak bainhira nia inan aman husu nia atu tau matan ba nia alin sira. Desisaun ne’e nia foti ho Responsavel no livremente.
Oras ne’e dadaun nia kaer kna’ar nu’udar Tesoureira ba Eskola ETA Fuiloro. Nia mós organiza nia maluk sira loke usaha kiik hodi fo empresta osan ba kbiit laek sira atu fila liman.
Padre Rolando Fernandes, Sdb fahe mós Nia vokasaun nudar Amu-lulik no Misionáriu.
Partisipante sira mak menina Koléjiu Morano ho Profesora sira ne’ebe hela iha koléjiu.
(Ines Bartolo)
