PAPA FRANCISCO NIA LIA-MENON MOLOK REZA ANGELUS IHA DOMINGU RAMUS (28 Marsu 2021)
«Maun no biin-alin sira,
ita tama Semana Santa. Ba dala rua ona mak ita moris iha kontestu pandemia nian. Tinan kotuk ita nakdoko liu, tinan ne’e ita hetan provasaun liu. No krize ekonómika sai todan.
Iha situasaun istórika no sosiál, Maromak halo saida? Lori krús, Jezús lori krús, katak asume naha-todan aat nian ne’ebé realidade ne’e implika, aat fíziku, psikolójiku no liuliu aat espirituál, tanba Aat-na’in aproveita krize atu kuda dezánimu, dezesperu no duut-aat.
No ita? Saida mak ita tenke halo? Virjen Maria hatudu mai ita, Jezús nia Inan ne’ebé mós ninia dixípula dahuluk. Nia tuir nia Oan. Nia asume ninia parte sofrimentu nian, nakukun nian, konfuzaun nian no la’o tuir dalan paixaun nian hodi kuidadu atu ahi-oan fiar nian lakan nafatin iha fuan. Ho Maromka nia grasa, ita mós bele halo dalan ne’e. No, tuir dalan krús [via crucis] loroloron nian, ita hasoru maun no biin-alin barak iha difikuldade sira oin: ita keta la’o liu de’it, ita husik ita fuan book ho kompaixaun no hakbesik ba sira. Iha momentu, hanesan Sireneu, ita bele hanoin: “Tanba sá tenke ha’u?”. Ma ibé tuirmai ita sei deskobre don ne’eb’e, maski ita la soi, haraik tiha mai ita.
Mai itaharohan ba vítima hotu violénsia nian, ho modu partikulár ba atentadu ne’ebé akontese ohin dadeer iha Indonesia, iha Katedrál Makassar nia oin.
Na’i-Feto tulun ita, nia ne’ebé nafatin bá uluk ita iha dalan fiar nian».
