Dili – Kongreso Antigas/os alunas/os FMA ho tema “HAMETIN RELASAUN AAFMA- TL IHA FAMILIA SALESIANA ATU HABURAS ESPIRITUALIDADE SALESIANA NO FO SASIN IHA AMBIENTE NEBE ITA HORIK BA”, hahú iha loron 6 de Dezembru iha gym komunidade Beata Eusebia Palomino – Komoro Dili.
Kongresista mak mak antigas-antigus husi Eskola ETP Venilale; orfanato Venilale, orfanato Laga, koleju Madre Morano Fuiluro no antigus-antigas oratoriano sira.
Sira Harii ona Federasaun Nasional Antigas-antigus alunus FMA Timor Leste iha kongresu ne’e.
Enkontru ne’e hahu’u ho Bemvinda husi Saturnina, hafoin loke ho Selebrasaun Eukaristia. Pe. Agung SDB mak selebra santa Misa ne’e, iha homilia sira koalia kona ba:” sai masin rain nian no naroman mundu nian, iha familia no iha sosiedade Timor Leste.
Depois de selebrasaun Eukaristia, hafoin liafuan no reflesaun husi madre Alam Castagna superior provinvial Timor Leste Indonesia. Madre Alma koalia hodi uza symbol “fini” hodi konvida partecipantes kongreso nian, atu sai buras hanesan fini ida. Hahu’u moris no sai buras iha ambiente ne’ebe’ sira hela ba.
No tempu hanesan madre fo hanoin ba sira katak, sira tenki sai sasin iha moris, hanesan masin-rai nia no naroman mundu nian.
Loron daruak 7 de Dezembru
Partisipante sira hamutuk 76 antigas alunus; antigus alunus nain 5 no antigas 70. Irman sira ne’ebe’ partisipa mak: sr. Maria Letizia, sr. Ermelinda da Silva no sr. Sebastiana. Iha loron daruak ne’e kongresu hahu’u orasaun makloke nian, hodi envoka Espiritu Santo atu bele haroman partecipante sira hotu. Depois de orasaun makloke nian, presidente da mesa; Agata Moreira hamutuk ho nia ikipa modera enkontru ne’e. Ho Saturnina ninia entervento kona ba Estatuto Antigus-antigas Alunus FMA mundial nian, hafoin hamutuk ho asembleia reflete hamutuk atu bele implimenta iha realidade Timor Leste nian, no asembleia aumenta tan valores cultural nian, nu’udar Timor oan sira, hafoin asembleia vota ba kada artigus sira.
Hafoin fahe ba grupu atu hanoin hamutuk kona ba sira nia Programasaun ba tinan 2016 nian. No remata loron ho orasaun taka nian.
Loron ikus kongresu nian mak dia 8 de Dezembru
Enkontru hahu’u ho orasaun ba Espiritu Santo, ne’ebe’ tulun asembleia atu para no reflete kona ba sira nia eleisaun kona ba Estrutura foun ne’ebe’ sei gia Federasaun Antigus-antigas Alunus ba period 2016-2019.
Hafoin tuir mai, momentu votasaun nian, iha ne’ebe’ iha mos intervensaun husi partecipante sira balun no madre provincial ninia prezensa, hamutuk ho irman sira; Sr. Maria Letizia, sr. Ermelinda no sr. Sebastiana. Nune’e nudar Federasaun Nasional Antigas-antigus alunus Timor Leste sira eleita estrutura foun.
Presidente: Saturnina Fernandes de Jesus, mai husi Uniaun AA Dili
Vice: Agata Moreira, mai husi Uniaun AA Baucau
Sekretaria: Maria Doutel Sarmento, mai husi Uniaun AA Fuiluro
Vice sekretaria: Victor Propocio da Costa, husi Uniaun Dili
Tesoreira: Vialia Almeida Amaral, husi Uniaun Dili
Administrasaun e Finansias: Natercia Fraga Freitas, husi Uniaun Baucau.
Hafoin iha Selebrasaun Eukaristika preside husi pe. Apolinario SDB. Iha selebrasaun padre koalia kona ba liturgia ohin nian Solemnidade Virjem Imacolada. Hodi hatutun kona ba knar antigus-antigas Alunus FMA nian iha rai Timor Leste. Nia konvida sira atu sente hola parte iha misaun Familia Salesiana iha rai Timor.
Depois de homilia, membru eleitus ba Federasaun Antigus-antigas Alunus FMA Timor Leste, sira halo sira nia kompromisu, no iha momentu agradesementu nian, participante kongresosu sira reza hamutuk orasaun afidamentu nian ba Nai Feto Maria Ausiliadora. No remata kongreso iha almoço konfraternizasaun.
(Sebastiana Soares)
