Dili – Festa agradesimentu nu’udar tradisaun maibé mós nu’udar espiritualidade ida kle’an ba vida kristaun no relijioza-saleziana, basá ne’e mak rikusoin ida trasmete husi ita-nia Fundadór S. João Bosco. Ninia paixaun no kompaixaun ba fó foin-sa’e ki’ik no ki’ak sira konkretu iha moris loroloron, joven mane sira koko domin loos no konkretu iha sira-nia moris, tan ne’e sira agradese don Bosco ho modu simples dehan obrigadu tanba ó hatudu duni Maromak laran-di’ak no laran
Konxiente ba Fundadór ninia rikusoin espirituál ne’e ami nu’udar komunidade ami mós agradese uluknanai ba Maromak Nia domin no nia laran-sadia, agradese ba superiora Ir. Cecilia del Mondo, Irmán ida-ida no ami-nia kolaborador sira, ho Tema: Maromak Nia Futar lian mak prezenti ida no ema seluk prezenti ida foti husi Santu Padre nia mensajen.Bazeia ba tema ne’e, ami agradese ba malu liuhusi orasaun loroloron,Santa Misa, fraternidade, teatru iha dia 15 Jullu kalan, hafoin dia 16 ba paseiu hamutuk iha komunidade madre Carmelita sira-nia komunidade ne’ebé besik tasi hodi haris iha tasi. Molok fila mai komunidade ami mós ba vizita orfaõ no madre sira caramilita sira hodi agradese no hato’o parabens ba sira tanba loron ne’e Festa N.Ssa de Carmelo. Nune’e mak ami-nia agrasimentu sai esperiénsia moris iha klima ksolok no fraternizasaun nian iha moris konkretu.
(Lucia Pereira)
