Dili/Balide, 30 Marsu 2020 – Loron furak no kmanek tebas mai ami, komunidade Balide, tamba Me. Assunta nia vizita. Ami agradese teb-tebes, tamba iha momentu hirak ne’e, ne’ebe ema hotu tenke tur hakmatek, no madre nia orariu mos kansela dala barak ona, ikus mai realiza duni.
Ami simu madre ho knananuk simples hafoin orasaun iha kapela, tuir mai dansa simu nian iha salaun, tamba dehan la bele halo tarutu, komprimenta haruuk deit no regra seluk-seluk tan.
Loron hanesan Me. Assunta hahu kedas simu Irman sira kolokui hafoin iha lokraik konferensi ho Irman sira no taka ho boa noite iha kalan.
Me. Assunta sei hela iha komunidade ba loron ruma. Maske nune’e planu ba enkontru sira, kansela hotu. Agradese ba Na’i, tamba maske situasaun la dun permite, maibe ami madre konsege hala’o ninja vizita iha aMI nia komunidade.
