Enkontru daruak hosi peregrinasaun online Projetu Espiritualidade Misionária (PEM), ne’ebé organiza hosi ambitu Misaun hosi Institutu Filhas de Maria Auxiliadora iha kolaborasaun ho ekipa PEM, hala’o iha Domingu, 22 Marsu 2026. Peregrinasaun ne’e akontese iha kontinente Amerikana iha ne’ebé FMA dahuluk to’o iha tinan 1877.
Viajen ho etapa ualu ne’e halo parte iha preparasaun tinan tolu ba aniversáriu ba dala 150 Espedisaun Misionária Dahuluk (2024-2027). Tema mak “Agora tempu atu halakan hikas ahi – tinan 150 misaun FMA nian”. Objetivu mak «selebra ho fuan agradesimentu laran-manas misionária Institutu nian atu hamoris fali impulsu profétiku ita-nia karizma nian iha mundu kontemporánea nu’udar prezente ba Kreda no umanidade» (Sirkulár No. 1038).
Hafoin enkontru dahuluk iha Villa Colón – Las Piedras, Uruguai, etapa daruak ne’e para iha Almagro – La Boca hodi subliña perspetiva luan misionária nian ne’ebé habelar orizonte misionária dahuluk sira-nian, ne’ebé brani hakur fronteira seluk hodi moris Karizma Mornesina iha rai foun: Arjentina. Iha “Nizza America nian”, sira enkarna karizma madre no edukadór sira nian ne’ebé husik hela hosi Maria Domenica Mazzarello.
Krónaka komunidade Almagro nian haktuir katak:
“Iha loron 26 Janeiru 1879, Espedisaun Daruak Irmán FMA sira to’o iha tasi-ibun sira-ne’e. Lidera hosi Irmán M. Magdalena Martini, ne’ebé kaer knaar Provinsiál ho rezidénsia iha Buenos Aires. Espedisaun ne’e kompostu hosi madre na’in sanulu, ne’ebé na’in haat para iha Colon Montevidio , sira ne’e mak: Irman Filomena Balduzzi, Irmán Victoria Cantú, Irmán Virginia Magone, no Irmán Josefa Vergniaud. Sira seluk mai iha Buenos Aires hodi harii Uma Almagro nian: Irmán M. Magdalena Martini, Irmán Jacinta Olivieri, Irmán Dominga Roletti, Irmán Emilia Borgna, Irmán María Magdeleine no Irmán Catalina Fino. Iha Almagro hetan sorte atu hela iha uma ida ne’ebe kiak loos, ne’ebé sira hanaran “Ranchito,” besik loos ba Colegio Pío IX de Artes no ofisio. Ida-ne’e maka Uma Novisiadu nian iha ne’ebé tinan-tinan uza hodi hala’o Ezersísiu Espirituál.”
Irmán Ruth del Pilar Mora, Konselleira Jerál ba Misaun, iha ninia diskursu abertura, husu ba partisipante peregrinasaun hotu atu iha: «Perspetiva luan ida ne’ebé mosu bainhira ita aprende atu haree realidade liuhusi Maromak nia matan, ne’ebé iha Jezús halo nia an asesivel ba ita-nia komprensaun. Iha Evanjellu sira, Jezús para iha ema sira nia oin no hateke ba sira ho domin, maibé la julga; la esklui, maibé inklui; la para iha aparénsia sira, maibé deskobre potensiál no esperansa signifika komprende katak misaun la’ós ita-nian, maibé partisipasaun iha Maromak nia domin ba ema ida-idak, ba tempu no kultura hotu-hotu.”
«Misionária FMA dahuluk sira ne’ebé sai ba Amérika», Irmán Ruth subliña, « sira lori ho sira-an perspetiva ida-ne’e: la’ós de’it projetu edukativu ida, maibé kapasidade atu rekoñese buat di’ak ne’ebé prezente, atu valoriza ema sira, atu harii relasaun konfiansa no amizade nian iha estilu família nian»
Bainhira sira to’o iha Arjentina, “Nizza America nian”, sira enkarna Karizma ho abertura, kriatividade no respeitu, hodi kria komunidade sira ne’ebé eduka ho domin no prezensa. Ohin loron mós, iha ita-nia komunidade edukativa sira, ita simu bolun ba perspetiva ida ne’ebé rekoñese fini di’ak nian iha foin-sa’e sira, valoriza diferensa kulturál sira, loke espasu sira ba diálogu, no harii ponte sira. Ne’e mak perspetiva ida ne’ebé transforma misaun ba asaun konkreta, iha besik ba sira ne’ebé sente mesak, iha jestu sira laran-luak nian, iha prezensa sira ne’ebé bele hamosu esperansa no futuru hamutuk.
Eventu ne’e—ne’ebé lidera husi Irmán sira husi misaun Misaun, membru sira husi Ekipa Misaun mundial, Irmán sira husi Komisaun ba Aniversáriu ba dala 150 husi Espedisaun Misionária Dahuluk, no Ekipa PEM—hetan ona partisipasaun moris, animadu no interesadu husi Komunidade Edukante barak husi kontinente hotu-hotu, ne’ebé hili momentu animasaun ida-ne’e atu habelar sira-nia orizonte no halo Kristu fuan mundu nian no halo sai sira-nia identidade pesoál.
testu kompletu iha link: https://www.fmatin.org/wpn/download-category/fonte/
