Comoro-Dili 04 Novembru 2026, Iha sentru formasaun João Paulo Inspetoria hahú asembleia kapitulu provinsiál Timor no Indonesia (TIN) nian lalaok asembleia-nian ba loron dahuluk nian mak: Uluk knanain, Ir. Virgilia Marçal nu’udar orientadora hahú orienta partesipante sira hodi sai hotu ba liur hafoin ho prosisaun ho bandeira Timor-Leste no Indonesia nian hodi tama mai iha salaun ka fatin asembleia-nian.
Hafoin me. Provincial, Ir. Evangelina da Costa Xavier hato’o liafuan bemvinda ba partesipante tomak no mós aprezenta objetivu kona-ba kapitulu Ispetoria-nian ne’e.Ba datolu, Ir. Angelita Maria Gomes nu’udar moderadora iha kapitulu provinsial nian, hodi lee sai knaar no metodolojia kona-ba lalaok servizu nian no regulamentu sira durante kapitulu ispettorial.
Hotu tiha prezentasaun kontinua ho orasaun invokasaun Espiritu Santu liuhusu oferta simbolu sira don Espiritu Santu nian, ne’ebé klean tebes hodi tulun asembleia hodi prepara an didi’ak hodi tama iha klima dexernimentu-nian.Depois orasaun hotu tiha, me. Provinsial aprezenta brevemente relatoriu kona-ba programa Instituto no Inspetoria nian husi tinan 2021-2026. Bazeia ba tema kapitulo jeral nian ne’e madre provinsial fó sai planu estratejia ne’ebé hala’o iha nivel Inspetorial no Instituto tomak. Depois de prezentasaun asemblea tomak ho silensiu ba iha kapela novisiadu hodi partesipa Misa abertura ba kapitulo Inspetoria tinan 2026-nian.
Iha eventu ida partesipante sira hamutuk 49 pesoas, husi antigo/as alunos SDB nain 3, Presidente Antigous alunos de Don Bosco, Prezidente Salesianos Cooperadores, professor/a balun no foinsa’e sira balun. No husi Salezianu sira ne’ebe marka prezensa: Pe. Provinsial, Pe. Anacleto Pires SDB, Pe. Agostinho Soares SDB, no husi FMA hamutuk 39 pesoas mak partesipa iha asembleia kapitulo provinsial ida ne’e.
No iha kalan, Pe. Andres Calleja Ruiz SDB, ho ninia disponibilidade tomak fó konferensia ho tema: GRASA UNIDADE NIAN.Iha konferensia ne’e Pe. Andre subliña katak grasa Unidade nian mak Espirito Santo ninia grasa ne’ebe hanorin ita no inspira ita atu moris iha unidade loos nian mak domin.Tan ne’e tau ita nia an iha Espirito Santo nia liman tan buat hotu ita halo iha Maromak-Nia naran.
Iha konferensia ne’e Pe. Andre iha nia konkluzaun dehan: Halo buat hotu ho haraik-an no domin, halo ita-nia apostuladu ho domin, no serbisu ho karidade ka karidade apostolika. Ida ne’e meius ida ne’ebe lori ita hatudu domin boot ba Maromak no domin ba maluk sira.
Sr. Lucia Pereira, FMA
