RV – Atu bibi-atan sira la hadook an husi povu, maibé tuir Kristu nia ezemplu ne’ebé besik ba ema kiak sira atu fó Maromak nia salvasaun ba sira. Nune’e mak Papa Francisco hateten iha katekeze kuarta, 14 Setembru iha Prasa S. Pedro.
Hodi kontinua siklu katekeze sira kona-ba mizerikórdia, Papa Francisco reflete kona-ba tema “Aprende ho ha’u”, refere ba testu Evanjellu Mateus nian (Mt 11,28-30). Nia esplika signifikadu espresaun sira “Imi mai to’o ha’u”, “lori ha’u-nia naha”, no “aprende husi ha’u”.
Download
Mai to’o ha’u
Iha ne’e, Jezús dirije ba ema sir ane’ebé kole no sente todan hanehan sira hodi oferese ba sir amizerikórdia. Iha konvite ida-ne’e, ema kiak sira hetan resposta id aba sira-nia espetativa sira. Sira labele konta ho amizade importante ida, maibé hodi sai Jezús nia dixípulu sira, sira simu promesa atu hetan konsolasaun ba moris tomak. Promesa ida ne’ebé habelar ba povu hotu.
Sarani sira husi mundu tomak hakata liu Odamatan sira Mizerikórdia nian iha sira-nia katedrál no santuáriu sira, iha igreja barak no ospitál sira, sira halo hanesan hotu: sira bá hasoru Jezús, espresa konversaun dixípulu nian ne’ebé tuir Jezús, deksoberta Na’I nia mizerikórdia, infinita no la nahas.
Naha mak vinkulasaun ho povu
Ho imperativu daruak, “lori ha’u-nia naha”, Jezús hakarak atu ninia dixípulu sira tama iha komuñaun ho Nia, sai partísipe iha mistériu ninia krús no ninia destinu salvasaun nian. “Ne’e mak tali ne’ebé liga povu ba Maromak. Naha ne’ebé ema kaik no oprimidu sir alori mak ida ne’ebé Kristu lori molok sira; nune’e naha kmaan ida”, Papa Francisco hatutan.
Ezortasaun atu “aprende husi ha’u” halo ba em aharaik an sira no ki’ik sira, tanba Nia komprende ema kiak no terus-na’in sira no Nia rasik ema kiak no hetan terus, lori iha nia kabaas umanidade tomak nia salan sira. “Iha Nia, Maromaknia mizerikórdia assume ema sira nia pobreza, hodi haraik ba sira posibilidade salavasaun nian”.
Bibi-atan “liurai-oan” buat aat ida ba Igreja
Papa Francisco halo pergunta: “tanba sá Jezús iha kbiit atu dehan buat isra ne’e? Tanba nia mak Bibi-Atan ida ne’ebé hela iha ema sira nia leet, iha kiak sira nia leet. Loroloron nia serbisu hamutuk ho sira. Nia la’ós “liura-oan” ida. Lafurak ba Igreja bainhira bibi-atan sira sai dook husi ema kiak sira no nakfilak ba “liurai-oan sira”. Jezús haksiak bibi-atan sira; ida-ne’e la’ós Jezús nia espíritu. Nia dehan kona-ba sira: “Imi halo buat ne’ebé sira dehan, maibé la halo tuir buat ne’ebé sira halo!” .
Papa Francisco remata katekeze hodi konsola sarani sira ne’ebé dalabarak pasa momentu kolen no frustrasaun nian, hodi hanoin Maromak nia liafuan sira ne’ebé haraik konsolasaun. Sarani sira simu bolun atu aprende ho Maromak saida mak signifikadu “moris husi mizerikórdia” no sia “instrument mizerikórdia nian”.
“Korajem! Ita keta husik ema hasain husi ita ksolok sai Na’i nia dixípulu sira. Ita keta husik ema na’ok ita-nia esperansa atu moris vida ne’e ho Nia no ho ninia konsolasaun ia kbiit”.
