Dili – Relasiona ho enseramentu tinan laran luak ( ano Misericordia) ne’ebe sei taka iha loron 13 Novembru 2016 maka Departementu Juventude Katolika da Deiocese Dili (DEJUCDIL) , organiza atividade ba Joventude sira kompostu husi Vigariaria 3: Vigariaria Dili, Ermera, e Same ho Joven sira hamutuk 200 ne’ebe partisipa. Programa hahu husi loron 10 to’o 13 Novembru. Iha loron 10 Novembru kalan joven sira hahu ho orasaun Taize hafoin iha loron tuir mia hahu kedas ho misa abertura no palestra kona ba “MISERICORDIA DE DEUS ne’ebe Amo Bispo Don Virgilio do Carmo, Sdb mak hato’o ba joven sira inklui mos Relijiozu/ a sira ne’ebe hola parte iha Diocese Dili nian.
Iha palestra nee Amo Bispo fo objetivu 3 hodi loke konferensia ba tinan Mizericordia ne’e:
- Atu foinsae sira komprende saida mak Mizerikordia?
- Aman Maromak mak modelu Mizerikordia Maromak nian
- Ita ida-idak mak sai protagonista ba lalaok Mizerikordia nian
Amo Bispo fo korajen ba joventude sira atu lao ba oin ho optimista maski hasoru difikuldades oin-oin tanba ita hotu fikarak fiar katak ita iha Aman ne’ebe pronto simu ita bainhira ita hakarak fila fali ba Nia tanba Maromak nia Mizerikordia boot liu fali ita nia mizeria sira.
Iha tinan nee Amo Papa Francisco mos fo hanoin hahalok Mizerkordia isin nian no espiritual nian. Ita mos presiza deskobre ita nia identidade no mizeria sira ne’ebe ita iha.
Lia fuan ikus ne’ebe Amo hato’o ba foinsae sira nudar save ba moris nee mak:
- KORAJEN, buka no hatene Maromak liu husi Nia futra liafuan ne’ebe lee, rona, komprende no moris tuir
- KONFIANSA iha Maromak
- ESPERANSA, katak Maromak mak Mizerikordia .
Iha loron 13Novembru 2016, oras tuku 16:00 sei taka ho misa Ano Mizerikordia nian iha Katedral Dili.
(Inse Bartolo)
