Renova “tradisaun furak” ida husi Reitór Maiór sira, ba Festa Don Bosco nian 2026, Susesór Don Bosco nian ba dala 11, Pe. Fabio Attard, hato’o mensajen esperansa no envolvimentu nian ba foin-sa’e sira Movimentu Juvenil Saleziana (SYM).
Reitór-Mor subliña pontu prinsipál tolu.
- Primeiru, Pe. Attard refere ba mensajen Strenna nian ba tinan 2026, hodi hafoun konvite atu sai, hanesan Maria, atentu ba saida maka akontese iha ita-nia sorin-sorin no depende nafatin ba Jezús.
- Segundu, foti husi ideia sira Amu-Papa Leão XIV nian, Reitór-Mor konvida ita atu «kultiva don amizade auténtika nian» – karakterístika saleziana loloos.
- No ikusmai, hodi refere nafatin ba buat ne’ebé Amu-Papa Leão indika iha fulan dahuluk ninia pontifikadu nian, Susesór ba dala sanulu-resin-ida Don Bosco nian ezorta ba labarik-mane no feto-oan sira MJS nian atu iha “korajen lia-loos nian” – atitude ida ne’ebé signifika evita kualkér ambiguidade ka arogánsia, maski verbál, hasoru ema seluk.
Buat sira-ne’e hotu, Reitór-Mor konklui, atu foin-sa’e sira bele sai “protagonista di’ak nian, liuliu ba foin-sa’e sira ne’ebé presiza liu”.
Ho liafuan inspiradu husi Pe. Attard no ho kontribuisaun Setór Ministériu Juventude nian, Don Bosco ko’alia duni ba foin-sa’e sira dala ida tan.
Testu kompleto iha link ne’e:
https://www.fmatin.org/wpn/download-category/reit-r-mor/
Fonte: infoans.org
