Roma (Italia). Nu’udar parte moris Família saleziana nian, ita FMA sente sintonia maka’as ho Reitór-Mór, padre Pascual Chávez Villanueva ne’ebé, iha inísiu tríduu ba tinan daruak, konvida Salezianu hotu liuhusi surat ida ne’ebé ita mós asume eh foti nu’udar don no empeñu dalan nian.
“Ohin 16 Agostu – Reitór-Mór hakerek – hahú tinan daruak preparasaun nian ba Bisentenáriu Don Bosco nia moris nian. Tinan ida-ne’e maka tinan ne’ebé husu empeñu maka’as liu triéniu preparasaun nian; hahú husi Don Bosco Edukadór nia esperiénsia, nia husu ita atu hafoun ita-nia pedagojia saleziana; Sistema preventivu, defaktu, husu atu inkultura no atualiza”.
Apelu ida husi Madre Yvonne ne’ebé iha 2011, tinan proklamasaun triéniu nian, konvida FMA ida-idak nune’e: “Selebrasaun Bisentenáriu Don Bosco nia moris nian, ita-nia Institutu nia Fundadór ho Maria D. Mazzarello nia kolaborasaun, mak eventu signifikativu ida ne’ebé hatuur an iha dalan ne’ebé KJ XXII propoin, iha ne’ebé ita evidensia núkelu fundamentál karizma nian ne’ebé karateriza Kreda – sai sinál no espresaun Maromak nia domin ba jerasaun foin-sa’e (kf Konst. 1) – no nesesidade atu hafoun identidade karizmátika. Na’i haraik bensan ba imi ida-idak no ba Institutu tomak. Maria Ausiliadora kontinua hela iha ita leet hodi tulun ita sai “Monumentu moris gratidaun nian” ba Nia ne’ebé halo buat hotu; agradesmentu ne’ebé hanaruk iha tempu (kf Konst. 4).
Link ba Reitór-Mór nia surat (italianu)
