RV – Papa Francisco iha kuarta, 7 Janeiru, kontinua ninia katekeze kona-ba família, tema ne’ebé nia trata mak papél esensiál inan sira nian, hodi subliña dala ida tan katak Kreda mak inan ida.
“Ema ida-idak deve nia moris ba inan ida no kuaze nafatin deve barak husi nia esperiénsia ninia ezisténsia tuirmai, formasaun umana no espirituál”, Papa Francisco hateten. Nia resalta katak, maski husi pontudevista simbóliku – n.e., ho omenjaen no poezia sira – maibé dalabarak, iha moris lorloron, barak mak la rona sira nia lian no ladún konsidera ninia papél iha sosiedade.
Inan sira mak antídoto forte kontra individualizmu, tanba sira fahe sira nia moris iha momentu ne’ebé sira fó fatin ba oan ida. Nia dehan katak inan sira loos duni, iha problema ho oan sira – ne’e mak tipu ida martíriu inan nian –, maibé kontinua haksolok no sofre bainhira buat ruma aat akontese ho sira. Ezemplu ida Amu-Papa fó mak inan sira ne’ebé simu nitísia katak sira nia oan mate atu defende pátria.
“Sai inan la signifika se’it tuur ahi oan ida, maibé hilin moris nian ida. Hilin moris nian husi inan isa mak hilin atu fó moris, no ne’e buat boot ida, buat furak. Sosiedade ida lahó inan mak sosiedade dezumana, tanba inan sira hatene fó sasin nafatin ternura, dedikasaun forsa morál”.
Amu-Papa temi mós improtánsia inan sira-nian iha tranzmisaun sentidu kle’an liu prátika relijioza nian, hodi hanorin oan sira orasaun dahuluk sira, jestu dahuluk sira orasaun nian. Ba Papa Francisco, fé lakon nia manas lahó inan sira.
“No Igreja mak inan iha buat sira-ne’e hotu. Ita la’ós oan-kiak, ita iha inan ida. Nai’-Feto, Igreja no ita-nia inan”, Amu-Papa taka nia katekeze, hodi hato’o ninia agradesiemntu ba inan hotu ne’ebé marka prezensa iha audiénsia jerál.
