Lia menon husi me. Ermelinda Gomes, FMA vigária provincial: Ami husi Congregação Filhas de Maria Auxiliadora hakarak agradese wa’in ba Nono (IX) Governo Constitusional RDTL ne’ebe suporta ba fundos atu harii sala estuda ba Labarik oan kiak no foinsa’e sira iha fatin ida ne’e.
Tamba kleur ona mak ami mehi durante tinan 29 nia laran, atu bele hetan fatin diak ida atu labarik sira bele estuda ho hakmatek hodi prepara an ba future diak. Tamba durante ne’e fatin laiha atu sira bele uza nu’udar sala estuda nune’e refetóriu no sala estuda tau hamutuk deit no mós bainhira iha inkontru ho inan aman sira, selebrasaun no seluk tan, nune’e susar tebes ami iha atividade sira, no la dun konveniente ba sira atu konsentra diak liu tan atu estuda. Obrigada ba ita boot sira nia kolaborasaun no laran diak hodi tulun ona ami atu bele prepara fatin diak ba oan kiak sira. Ami espera katak fatin ne’e bele utiliza ho diak ba labarik sira nia nesesidade lor-loron nian hodi prepara – an diak iha futuru. Ami mos la haluha agradese ba rai na’in sira Laga nian liu-liu Sr. António da Costa Castro, no nia companhia Tafuli Construction UNIPESOAL LDA ne’ebe bele kolabora hamutuk ho ami hodi kria fatin ne’ebe estavel no hakmatek hodi servisu hamutuk ba oan kiak sira nia diak. Ami agradese ba imi nia esforsu no servisu maka’as iha fulan hirak ne’e nia laran atu konstrusaun ne’e bele la’o ho lalais no remata tuir tempu ne’ebe fo. Em nome de Kongregasaun Filhas de Maria Auxiliadora iha Timor hakarak agradese ba ita boot sira nia kontribusaun no kolaborasaun hodi suporta ami iha ami nia misaun ba labarik no foinsa’e sira iha fatin ida ne’e. Hanesan ami nia fundador Don Bosco dehan eduka sira atu sai sarani diak no sidadaun onestu iha kreda, sosiedade no nasaun. Ida ne’e mak ami nia objetivu no misaun atu serbi Maromak iha labarik no foinsa’e sira le’et hodi lori sira ba dalan santidade.
Sr. António da Costa Castro, chefe kompania TAFULI nian, dehan: agradese ba Madre Saleziana ne’ebé konsidera ami nu’udar rai nain tan ne’e tau konfiansa iha ami hodi halo konstrusaun sala estuda ne’e ba orfaun sira. Ami sei haka’as an atu halo tuir buat ne’ebe husu mai ami.
Sr. Joaquim da Costa Freitas, Koordenador do Gabineti de Apoiu a sosiedade Civil, dehan: alin sira ha’u lakohi hateten imi ki’ak maibé imi hetan oprtunidade di’ak atu aprende valor ruma husi Madre sira, imi iha ne’e atus ida resin maibé Madre sira iha kbiit atu tau matan ba imi hotu ho diak no imi sira iha asrama ida ne’e kobre ona sidadaun Timor-Leste nian iha komunidade ne’e, tanba imi mai husi Munisipiu oi-oin ne’ebe iha Timor laran tomak.
Ba Senhor António da Costa Castro ne’ebé kolabora atu halo obra ne’e, ami husu ho atensaun atu ohin ita asina kontratu se posivel aban ne’e hahú ona konstrusaun atu nune’e iha tinan ida ne’e hela fulan haat bele remata, tanba orsamentu ne’ebé aprova ne’e ba tinan ida ne’e nian.
Obrigada wain Maromak haraik bensaun ba ita hotu.
Irman. Abiuda FMA
