Iha audiénsia Jubileu nian iha 4 Outubru, Papa Leão XIV esplika oinsá atu hilin ida bele lori atu hein. “Jubileu loke mós odamatan ba esperansa hosi distribuisaun diferente ida rikusoin nian, ba posibilidade katak rai pertense ba ema hotu, tanba iha realidade la’ós hanesan ne’e”, Papa hateten”. “Foin-sa’e sira gosta ema sira ne’ebé halo ona hilin no prontu atu simu konsekuénsia sira hosi sira nia hilin rasik.”
Atu hein signifika mós atu hili, no “Jubileu maka tempu ida esperansa konkretu nian” iha ne’ebé maka bele “hetan perdaun no mizerikórdia, atu buat hotu bele hahú foun”. Papa Leão XIV esplika ida-ne’e ba sarani 30.000 ne’ebé halibur iha loron 4 Outubru, iha Prasa Saun. Pedro ba Audiénsia Jubileu nian. Pontífise hahú ninia katekeze hafoin passeiu peregrinu sira-nian iha ninia ZIP mutin, hodi subliña katak «Jubileu loke mós odamatan ba esperansa distribuisaun diferente ida rikusoin nian, ba posibilidade katak rai pertense ba ema hotu, tanba iha realidade ida-ne’e la’ós kazu».
𝑰𝒉𝒂 𝒕𝒊𝒏𝒂𝒏 𝒊𝒅𝒂 𝒏𝒆’𝒆 𝒊𝒕𝒂 𝒕𝒆𝒏𝒌𝒊 𝒉𝒊𝒍𝒊 𝒔𝒆 𝒎𝒂𝒌 𝒂𝒕𝒖 𝒔𝒆𝒓𝒃𝒊: 𝒋𝒖𝒔𝒕𝒊𝒔𝒂 𝒌𝒂 𝒊𝒏𝒋𝒖𝒔𝒕𝒊𝒔𝒂, 𝑴𝒂𝒓𝒐𝒎𝒂𝒌 𝒌𝒂 𝒐𝒔𝒂𝒏.
Sira ne’ebé la hatene hilin sei dezesperu deit. Hilin lori ba mudansa, “mundu muda se ita muda.” Nune’e, se peregrinasaun “hanesan eskolla ida” ne’ebé halo ho intensaun mudansa nian, ida-ne’e mak presizamente, tansá iha Tinan Jubileu ita liu husi Odamatan Santu “hodi tama iha era foun ida”.
Hein mak hilin, tanba sira ne’ebé la hili dezesperadu deit. Konsekuénsia ida ne’ebé komún liu hosi tristeza espirituál, katak, preguisa (laiha vontade), ne’e maka la hili buat ida. Sira ne’ebé maka esperiénsia ida-ne’e mai husi laran-makerek interiór ne’ebé maka aat liu fali mate. Espera, maibé, lahatene hili.
Hilin husi Santa Clara de Assis
Papa fo hanoin hikas figura Santa Clara Assis, Ida ne’ebé “hatene hili” maka Clara de Assis, “labarik-feto ida ne’ebé brani no la konvensionál”, hatutan tan kona ba memoriál litúrjiku Saun Francisco nian, hilin “pobreza evanjélika” no tanba ida-ne’e “tenki hakotu ho nia família rasik“, eskandaliza ema sira. Desizaun hosi Clara, ne’ebé “hakarak sai hanesan Francisco” no “moris, hanesan feto livre ida”, hanesan sira ne’ebé imita ona nia, “sai impresionante liután”. Feto ne’e komprende “saida maka Evanjellu ezije”, “maski iha sidade ida ne’ebé fiar katak nia sarani, Evanjellu ne’ebé foti ho sériu parese hanesan revolusaun ida”. Maibé husi Clara nia opsaun, esperansa mosu, tanba feto-klosan barak seluk halo hanesan nia, “hetan aten-barani hanesan no hili Jezús nia pobreza, Beatitude sira-nia moris.” Aleinde ne’e, to’o ohin loron, nia ezemplu inspira “eskolla vokasionál sira iha mundu tomak.”
Jezús dehan: imi labele serbí na’in rua. Nune’e, Kreda foin-sa’e no atrai foin-sa’e sira. Clara de Assis fó hanoin mai ita katak Evanjellu bolu foin-sa e sira. Ida-ne’e loos nafatin: joven sira gosta ema sira ne’ebé maka hili no lori konsekuénsia sira hosi sira nia opsaun sira. No ida-neʼe halo ema seluk hakarak hili. Ida-ne’e imitasaun santa ida: ita la sai “fotokópia sira”, maibé ema ida-idak—bainhira sira hili Evanjellu—hili sira-nia an rasik. Sira lakon sira-nia an no hetan sira-nia an.
Igreja ida ne’ebé hela iha sidade sira ho maneira ne’ebé la hanesan. Tanba ne’e, ita tenke reza ba foin-sa’e sira, konklui Leão XIV, no mós “atu sai Kreda ida ne’ebé serbí la’ós osan ka nia an rasik, maibé ba Maromak nia Reinu no Ninia justisa” no katak, “hanesan Santa Clara de Assis, iha korajen atu hela iha sidade ho maneira oinseluk”.
Fonte: Vatican News
