Iha loron 04 novembru 2025 Poster STREIA 2026 nian, ho tema “HALO SAIDA MAK NIA SEI DEHAN BA IMI. Fiar-na’in sira, livre atu serbí,” haktuir ho vizuál pasajen EVANGELHO nian hosi Festa Kazamentu Cana nian. Tuir eskema ho movimentu haat ne’ebé Reitór-Mor propoin, ilustrasaun ne’e apresenta: Maria (iha liman-karuk) ne’ebé haree no komprende nesesidade; Hafoin nia dirije konxiénsia ne’e ba Don Bosco (iha sentru), ne’ebé reprezenta dixernimentu nakonu ho fiar no asaun kompaixaun misaun saleziana nian; no hamutuk sira na’in rua hateke ba Jezús (iha liman-loos), ne’ebé hatudu dalan. Iha planu dahuluk ita haree atan sira rona, hili no ikusmai fahe tua-uvas ne’ebé transforma husi botir sira, atu komunidade bele simu Maromak nia prezente ne’ebé abundante.
Kór no dispozisaun sujeitu sira sublinha ba komuñaun, servisu, no atensaun: Maria nia hateken fanun konxiénsia (HAREE), Kristu nia prezensa fó profundidade no diresaun (RONA), atan sira-nia jestu livre no konfiansa revela konsensu interiór (HILIN), no sira-nia hahalok atu lori tua manifesta ksolok servisu nian (ACTO).
Iha parte leten kompozisaun nian, kúbo ki’ik ne’ebé namlele serve hanesan provokasaun, lembransa ida kona-ba oinsá dalaruma ita bele husik ita-nia an atu livre hosi tauk interiór sira, atitude ríjidu sira, ka mezmu hosi ideolojia foun sira no sistema modernu sira ne’ebé promete progresu maibé ho nonook limita ita-nia abertura ba Espíritu no liberdade umana loloos.
Imajen tomak hanesan acto promemoria ida katak bainhira domin rona Kristu nia liafuan, fuan hetan liberdade atu hili, atu serbí, no atu fahe ksolok transformadór Maromak nian.
Fonte: InfoANS
Bele download poster iha link:
https://drive.google.com/drive/folders/1hUc1FjeJHtfbGPoy6dhvxOF0pFubUtqS
