Iha audiénsia jerál, Papa esplika katak Páskua muda ona istória tanba Kristu, iha moris-hi’as, manán ona mate no satisfás ona ita-nia perguntas kona ba sensu. “Iha Nia, ita iha serteza atu sempre bele hetan Fitun Norte nian ne’ebé bele dirije ita-nia moris ne’ebé sente hanesan sabraut oituan, marka ho eventu sira ne’ebé dala barak no halo konfuzaun, la aseitavel, no la komprensivu.”
Ema hotu-hotu esperimenta “moras, terus, tristeza, ne’ebé kesi metin ho ksolok, maravilha, serenidade”, no iha “situasaun” ruma, nia “fuan” respira ” ksolok plenitude ne’ebé kle’an”. “Movimentu interiór ida” dudu nia “aleinde ida ne’ebé atrai beibeik nia,” tanba “laiha realidade imprevistu ida ne’ebé bele fo satisfasaun ba nia.” Nune’e nia iha tendénsia “ba buat ne’ebé laiha rohan no rohan-laek”, maski nia “esperiénsia mate, ne’ebé antisipa hosi terus, lakon no falha.
Sentru husi amu-Papa nia katekeze ho tema “Páskua fó Esperansa ba moris loron-loron nian”, iha katekeze datoluk ne’ebé dedika ba “Kristu nia Moris-Hi’as no dezafiu sira undu mohin-loron nian” iha ámbitu siklu Jubileu nian “Jezús Kristu Ita-nia Esperansa”, Jezús moris-hi’as, ne’ebé muda istória no oferese esperansa foun ba umanidade.
Eventu “ne’ebé la pertense ba pasadu dook ida, ikusmai hatuur ona iha tradisaun” ne’ebé Kreda komemora “tinan-tinan iha Domingu Páskua nian no loron-loron iha selebrasaun Eukaristia nian”, Jezús nia Moris-Hi’as hanesan “fatuk-inan moris kristaun nian”, ne’ebé hale’u “eventu sira seluk “no transforma ema nia moris. Loos duni, hanesan Santa Teresa Benedita da Krús, ka Edith Stein, hakerek, “ema sira sempre hakarak atu hetan fali presente ba sira nia ser, atu bele atinje saida maka momentanea ba sira no tempu hanesan hasai husi sira” no nune’e ” nune’e ita mout iha limitasaun sira” maibé ho tempu hanesan ita iha tendénsia “atu ultrapasa”, Páskua kansela diferenza ida-ne’e.
Anunsiu Páskua nian maka notísia ne’ebe furak liu, ksolok, no xokante liu ne’ebé maka risuona iha istória tomak. Ne’e maka “Evanjellu”, ne’ebé fó sasin ba vitória domin nian hasoru sala no moris nian hasoru mate, no tanba razaun ida-ne’e deit maka bele satisfás perguntas sensu nian ne’ebé okupa ita-nia hanoin no ita nia fuan.
Páskua la halakon Krús, maibe nia manan
Se, hanesan Saun Francisco hananu iha nia Kántiku, “laiha ema moris ida maka bele halai sees hosi mate”, dadeer Páskua nian lori ona “kura no fo isin diak” ba umanidade. Mistériu Paskál, tanba ne’e, “alimenta esperansa iha dezafiu sira ne’ebé maka prezente iha ita nia moris loroloron, pesoalmente no universalmente”, Papa afirma, katak “husi perspetiva Páskua nian, Via Crucis nakfilak ba Via Lucis.” Tanba ne’e maka ita presiza “atu koko no medita kona-ba ksolok hafoin terus, hodi vizita fali iha naroman foun etapa hotu-hotu ne’ebé maka antes Moris-Hi’as.”
Páskua la halakon krús, maibé konkista nia iha konfrontu prodíjiu ne’ebé muda istória umana. Ita-nia tempu, mós, marka ho krús barak, invoka madrugada esperansa Páskua nian. Kristu nia Moris-Hi’as la’ós ideia ida, laos teoria ida, maibé Eventu ne’ebé sai fundamentu fiar nian.
Transforma mundu liuhusi esperansa Kristaun
Entaun ema fiar-na’in sira, bele sai “sasin” Kristu Moris-Hi’as nian, Papa Leão konklui, “maske iha ne’ebé istória umana la haree naroman iha orizonte.” Fiar loloos iha Páskua liuhusi ita-nia viajen loroloron nian signifika revolusiona ita-nia moris, sai transformadu atu transforma mundu ho forsa kmaan no aten-barani esperansa sarani nian.
Fonte: https://www.vaticannews.va/it/papa/news/2025-11/papa-udienza-generale-male-sofferenza-croce-gesu-risurrezione.html
