Iha okaziaun ida ne’e, madre provincial, Ir. Evangelina da Costa Xavier ho irman diretora no membro balun husi komunidade Dili nian marka mos sira nia prezensa iha eventu ne’e. Enkontro ne’e hala’o iha 11 novembro 2025, enkontro kona ba Assembleia Avaliação Pastoral ba aktividade pastoral durante fulan neen iha Arquidiocese Dili Lecidere.
Hala’o avaliação no apresentasaun tema pastoral programa Centenario 2026 -2030 husi equipa Pastoral, apresentasaun livro politico Escola Catolica Aquidiocese Dili no diskusaun iha grupo kona ba aktividade pastoral no situasaun sosial religiosa.
Assembleia ne’e hetan partisipasaun husi religiosos/as, paroco,Capelão Universidade, membro conselho pastoral paroquial, Sacerdote, Superiores religiosos/as, responsavel sira, diretor escola Catolica no leigos e leigas sira. Enkontro la’o ho diak ho klima familiar tebes iha nebe bele hariku malu iha partilha no iha grupo hodi halo kompleta malu no fo proposta sira ne’ebe significativa tebes atu hametin sentido hola parte nian ba apostolado iha Parokia hodi implementa konkretamente sinodalidade. Molok Remata Sua Eminência Bispo Virgilio Cardeal do Carmo da Silva, nudar Bispo de arquidiocese nian, hato’o ninia agradese wain ba presenza no serbisu hamutuk iha pastoral maibe husu atu kontinua kolabora hodi halo diak liutan misaun atu haklaken Kristu nia reinu salvasaun nian iha Kreda Timor.
Apresia tebes, tamba iha assembleia ne’e hetan mos tempo ne’ebe dedica hodi realiza inagurasaun ba museu Papa Fransisco nian dahuluk iha Arquidiocese Dili. Fatin ida ne’ebè importante tebes ba istoria no hatudu sentido de gratidaun ba diak hotu nebe istoria hahu no liu dadaun sai sinal konkreto domin nian ba memoria no hahu konserva istoria Diocese Dili nain nebe la’o dadaun iha preparasaun ba celebra centenario Arquidiocese nian.
Irmán sira haksolok no agradese tebes hodi partisipa iha assemblea refere tan nu’udar dalan ida hodi hametin sentido hola parte nian ba Diocese no parokia hodi lao hamutuk iha dalan sinodalidade iha misaun Kristu nian.
Ir. Julia Fernandes, FMA
