Loron 24 outubro 2025 iha parokia Maria Auxiliadora Comoro-Dili, hala’o misa tomada de pose ba estrutura foun ADMA nian. Hanesan tradisaun ba grupo ADMA, hala’o selebrasaun Eucaristia no reza tersu hodi komemora loron nain feto Maria Auxiliadora. Nune’e ADMA Comoro Dili, aproveita oportunidade ida ne’e, renova mos sira nia estrutura asosiasaun nian.
Iha homilia misa ba estrutura ADMA foun Dili Comoro nebe preside Husi pe. Nelson Gonzaga SDB. Hateten katak:
“Fulan-fulan Ita selebra memoria Maria Auxiliadora nian halo Ita hanoin fundador Don Bosco nebe harii ADMA. Don Bosco hare iha nia moris no misaun Nai Feto hamutuk ho Nia. Ninia agradese ba Nai Feto hodi hari’i ADMA atu ksolok ne’e daet ba ema, bainhira ema hare imi, hare Maria Auxiliadora. Asosiasaun Ida nee hodi habelar devosaun ba Nai Feto no lori ema ba Jesus. Ida nee Mak ADMA nia misaun prinsipal.
Evangelho konvida ita atu matenek lee situasaun familia nian. Oinsa Ita lee Maromak Nia prezensa. Ita aprende buat Rua:
- N’ai feto nafatin dehan SIM atu halo tuir Maromak Nia hakarak. ADMA Ida labele haluha nia vokasaun nudar aman no Inan. Tane aas domin ba imi nia kaben no entrega oan sira atu tau matan. Sai ADMA atu dignifika-an sai Maromak oan atu lori oan no kaben ba Maromak. SIM ba Maromak Nia plano no hakarak ba vokasaun nebe imi simu. Keta sai membro ADMA atu hadook-an husi imi nia kaben. Hanesan Maria hatam SIM atu simu Saun. Jose nudar kaben. SIM atu tau matan ba Jesus no nia misaun. SIM iha Kruz hun. Nunee imi hatan SIM ba Maromak iha familia.
- Segundo Maria akompana Jesus iha kruz. Nunee membro ADMA nudar Inan no aman akompanha oan sira liuliu iha tempo difisil, tempo susar. Hanesan Maria mak Inan esperansa nian. Lori buat foun, Nia simu misaun iha Kruz okos ida nee mak o nia Oan no Ida nee mak o nia Inan.
Ida nee sai imi nia misaun ADMA nian. Oinsa habelar devosaun. Ezemplu misa kada fulan 24 hau misa ka lae?
Se ADMA ida mak 24 kada fulan la tuir misa diak liu lalika sai membro ADMA. Tamba kada fulan hatudu imi nia devosaun no sasin kona ba Maria Auxiliadora. Imi misa deit iha dia 24 pois la tuir misa domingo ne’e falta. devosaun ba Maria sei lori Ita ba Jesus. Devosaun ba Maria maibe la reza tersu iha familia no hirus malu. Reza tersu konvida oan no kaben atu koalia ho Maromak liu husi orasaun tersu.
Presenza ADMA nian ne’e atu lori ksolok Don Bosco nian oinsa Maria presenza iha ita nia moris. Tara medalha ka fita azul. Imi buka haksolok no buka tuir Maria nia hahalok diak sira. Kuda devosaun boot ba Nia imi sei hare saida mak milagre. Keta moe atu Konta milagre sira ba oan sira. Laos deit hetan grasa iha mundo maibe iha esperansa katak fita azul nee Nai Feto dada Ita ba lalehan.
Iha misa Ita agrdese ba Maromak, ne’ebe nia domin la hotu deit iha Don Bosco no ADMA sira uluk maibe kontinua iha imi. Imi ho Estrutura foun lori misaun ADMA Comoro nian sai metin no klean liutan. Knar Mak responsabilidade atu lori ba oin. Reza ba sira ne’ebe simu posse ohin atu fiel iha misaun ADMA nian”.
Molok remata selebrasaun Eucaristia presidente sesante Senhor. Joel ho ninia estrutura hato’o ninia liafuan agradese no hatoo relatorio. Ikus mak agradese ba madre Sanzinha de Jesus,FMA nudar animadora ADMA nian nebe tau matan no anima atividade misaun ADMA nian iha Parokia Comoro.
Sr. Julia Fernandes, FMA
