Iha amo Cardeal ninia apresentasaun ba foinsa’e sira nia subliña kona ba tema “hadeer ba”, hateten katak toba laos isin deit maibé iha dimensaun psikolojiku tamba hadeer hela maibé hanoin iha fatin seluk. Toba iha dimensaun moras no espiritual, labarik grava lia fuan hotu ne’ebé aprende husi Inan aman nia frase Sira. Lia fuan aat maibé ba labarik ne’e di’ak. S. Paulo Nia Karta ba Rm.13,11-12, Sira dehan imi hatene oras be moris dadaun basa salvasaun besik liu ita. Hanesan Ema lao iha loron, laos ho laran moras no hirus, ita hatene oras be imi moris dadaun katak otas foinsa’e, otas ida foinsa’e nian.
Amu Papa Fransisco dehan Joven laos futuru maibé Joven presente, hadeer husi mehi..otas foinsa’e ne’ebé hatene uza ninia liberdade ho responsabilidade, lia fuan molok sai husi ibun presisa hanoin uluk, liman atu book an presisa hanoin uluk di’ak ka lae laos hodi hatun malu ka laran moras ba malu,la presisa halo fake news,tau bumbu iha news iha sosial media. Maibé S.Paulo ohin dehan hamriik ba, lao ba Kristu haree o, la’o ba nu’udar ema ne’ebe iha neon. Hahu dader la’o pasu hira o sura atu nu’udar ema matenek uza tempu didi’ak, imi keta sai beik maibé komprende didi’ak Maromak Nia hakarak.
Keta hanesan ema seluk toba didi’ak. Ema halo ne’e di’ak ka lae,Joven ida presisa husu ba an se buat be halo ne’e di’ak kalae? S. Paulo husu atu matan moris.
hadeer ba, hatais ho fiar no faru funu nian. hadeer ba hodi hatais ropa funu nian atu salva uluk fuan no kakutak. Presisa hatais fiar atu tahan udan no anin ne’ebe mai.
Amu Papa Fransisco konvida foinsa’e sira hadeer ba! Imi nia dever atu matan ba moris atu buat ne’ebe saun Paulo dehan mak sai fali tentasaun ba ita, ba atu tau hatais funu nia atu defende an.
Kruz Joven ida ne’e Don Virgilio konvida foinsa’e sira atu rona Amu Papa Leão XIV nia mensajen kona ba Igreja sira iha Asia ne’ebe bele sai ponte ba sosiedade ida ne’ebé kultura no relijaun oin oin. Iha Rejiaun Asia ne’e dehan Katolika minoria Nune’e husu ita atu sai sarani ne’ebe sai ponte harii dame nian. Bispu sira iha Asia dehan ami hare entre Lalehan ho rai Kristu mak ponte. Ita Asia iha kna’ar sai ponte hari dame nian. Amu Papa Leão konvida foinsa’e sira maske iha buat oi- oin iha sosiedade maibé ita hetan oportunidade hodi mai hasoru malu. Fiar halibur foinsa’e sira iha Remixio atu bele hametin liutan fiar ida ne’e, koñese malu, harii fraternidade ne’e posivel.
Kruz Joven oportunidade di’ak tan Kristu mak halibur foinsa’e iha ne’e, ho Kristu foinsa’e hadeer husi difikuldade no problema sira hotu sei hetan dalan atu hetan roman.
Amu Cardeal nia deseju katak foinsa’e sira hadeer ba atu hahu jornada foun hateke ba oin ho fiar no ho ulun ne’ebe nakonu ho mehi no esperansa.
Hafoin Amu Cardeal fahe perguntas ba foinsa’e sira hodi partilha iha grupo 100. Kada grupo foinsa’e nain 10. Perguntas sira:
- Se karik o tenki deskreve o nia juventude ho lia fuan saida?
- Ba ó ksolok, dame no liberdade ne’ebe los ne’e ó hetan iha ne’ebe?
- saida mak sai dezafiu ba foinsa’e sira atu sai sasin sira nia fiar iha sosiedade ohin loron?
Depois kada representante apresenta iha asembleia:
foinsa’e barak mak partilha deskreve tempo juventude mak aprende nafatin, mehi barak, fiar malu, inovativu, kreativu no kria amizade ho Kristu no ho maluk sira. Presiza konstante iha orasaun tan Kristu mak fonte ba ksolok,dame nia hun loloos. iha Kristu deit halo ita sai libre loloos. Dezafiu mak presaun sosiedade, media, la fiar an rasik, tauk atu espresa no moe hatudu sasin fiar nian iha fatin publiku nian. Ikus liu foinsa’e deskobre katak formasaun espiritual fo tulun tebes ba vida juventude no kapasita an tebes iha matenek no abilidade hodi fiar an liu tan. Iha partilha foinsa’e konvida foinsa’e seluk atu lalika tauk banhira lakon riku soin mundu nian maibé tauk mak lakon riku soin lalehan iha tempo juventude nian.
Omilia Cardeal missa enseramentu Kruz Joven Remixio.
Ho presenza partisipante ne’ebe barak tebes, Amu Cardeal hateten katak iha dekada tolu tempu muda, istoria mos muda, kruz nafatin bensaun, protesaun no fo moris ba sarani sira. Hadeer ba..
hadeer ba sai husi dukur, tau matan ba realidade moris nian.
Komunidade Remixio Koko haree ona Maromak Nia laran luak, Maromak Nia liman laos tahan deit maibé kura kanek ne’ebe iha, konsola sira too periferia. Ohin la’os tempo saudades nian maibé tempo haksolok, Nai mai visita imi, harohan ba imi, rona imi, imi buka kaer metin imi nia fiar, kruz joven mai buka imi atu hametin, toman di’ak, hametin fiar tan imi koko ona Maromak Nia di’ak.
Foinsa’e doben sira agradese ba imi, balun la’o dook, hakur tasi, foho, mai halo esperiensia fiar nian, agradese ba imi nia sakrifisiu, amizade no fanu ema, tansa sira ba Remixio? Buka saida? Dia 18 kalan imi rasik dehan dezafiu lubuk ida, si so santo so Matenek, susar fiar malu, presaun husi komunidade, imi ba Amu Paroko fo saida ba imi? iha liberdade maibé lakon moras, la iha sasin, menos konsideira ba foinsa’e sira, Krisi mentalidade, falta espasu ba protagonista. Pois foinsa’e dehan foinsa’e maka kreativu,mehi, responsabilidade, foinsae la’os Joven tuda maibé foinsae kreativo. Foinsa’e laos buka oin maibé tenki iha oin tan imi nia batizmu. Esperiensia semana ne’e tulun imi atu sai eskolante Jesus nian iha sosiedade, Maromak la bolu imi sai Nia oan deit maibé hakarak atu imi halo mudansa ba moris.
Kristu saran-an ba umanidade, Kruz mak dalan ba Gloria. S. Paulo dehan ami haklaken Jesus Kristu, ita mak Maromak Nia kbiit no Matenek ba ita. Nia rasik promete katak sei moris hias atu realiza Maromak Nia plano. Padre da Igreja kompra Jesus Nia Kruz nu’udar ai moris, hanesan arka, hanesan eskada Jacob nian, ai-tonka no ita rona ohin hanesan samean ne’be Moises tara. Tan ne’e kruz mak uniko sabedoria no prezensa Kristu nian.
Paulo nia karta sira lakleur tan sarani deskobre Maromak Nia domin, kasu sala, hafoun fali aliansa ho Kristu. Kruz halo ita moris uniaun ho Maromak ho maun alin Sira.
Bispo Sira ASEAN dehan Kristu rasik mak ponte moris entre Lalehan ho Rai, entre Maromak no ema, ponte ita ema ho ema, ponte ita ema ho kriasaun. Ita tuir Kristu ita sai ponte iha ita nia moris. Esperiensia ne’ebe hetan iha semana ida ne’e no ba povu Remixio ne’ebe simu kruz ba tinan ida atu tulun ita hodi hasai husi ita tomak aat, koalia aat malu, sadik malu, ohin presiza koalia ba malu, lolo liman ba malu, dame malu hodi hadeer ba atu sai ponte ba malu.
Foinsa’e sira depois de santa misa imi fila ba imi ida-idak nia fatin, ba moris bai-bain no hasoru susar no dezafiu oi-oin maibé la fila ho hanoin mamuk, maine riku ho buat barak.
Papa Leão XIV dehan ba foinsae sira imi laos halibur malu deit ho nain ulun sira maibé imi Nia hamutuk ho Kristu. ita Nia hamutuk mak koalia ba mundu katak sentidu moris banhira hamutuk ho Kristu nunee hadeer ba halo Kristu sai sentru ba moris. Ita aprende ba oin hateke nafatin halo tuir Nia ain fatin. Haraik an hodi dehan hanesan S. Paulo dehan Nia hadomi hau no hakarak lao tuir Nia. mundu hela iha hau no hau la’o iha mundu ho Kristu. Ita Reza hanesan Nai feto hamriik metin iha Kruz okos, maske laloran boot fiar la nakdoko.
Molok remata santa misa remata Cardeal aviza kona ba preparasaun ba Jornada Nasional Juventude iha Coreia ho Santu Padre Leão XIV. Husu atu foinsa’e sira hahu prepara-an ba eventu importante ne’ebe hasoru malu ho Santu Padre iha ita nia kontinente ASIA. Amo bispu fo hanoin ba responsavel foinsa’e sira atu sai Kreda Sinodal la’o ho foinsa’e sira, hela ho sira.
Cardeal komunika desizaun CET katak Kruz Joven tinan 2027 sei ba Zumalai .
Ir. Julia Marçal, FMA
