Dili – Presidente AASDB TL, konvida representante husi membru Familia Salesiana, ne’ebé eziste iha Timor Leste. Nune’e husi Instituto FMA, irman nain 2 mak partesipa iha sorumutu ne’e: ir. Veronika ho ir. Sebastiana. Enkontru ne’e hala’o iha salaun CPN Comoro Dili, iha loron 7 Marsu liuba’.
Enkontru ne’e Padre delegadu Mundial AA, don Raphael, halo ninia konferensia badak kona ba papel AASDB iha kreda, iha misaun salesiana no iha sosiedade.
Don Raphael hahu’u ninia konferensia hodi dehan: Antigus alunus la’os deit simu husi don Bosco, maibé AA sira mos, tenki fo ba ema kiak sira.
Antigus alunus salesiano ho antigas alunas FMA, mak grupo 2 ne’ebé’ separa ka ketak-ketak, halibur hamutuk atu hala’o misaun don Bosco nian. La’os hanesan grupu Cooperadores salesiano ne’ebé’ eziste nudar grupu ida deit, maske iha fatin ruma iha delegadu mak sdb ida ka iha delegada FMA ida, maibé nafatin grupu ida deit.
Hafoin don Raphael husu Antigus alunus TL, kona ba sira nia hare elementus postivu sira iha AA TL nia moris. Sira nia resposta ba Padre delegadu mak: Federasaun Nasional TL iha asosiasaun 9, no Membru Governo barak mak Antigus alunus salesiano.
Don Raphael, husu, atu Antigus alunus sira ne’ebé’ kaer responsabilidade boot iha governo TL, tenki fo kontribuisaun ne’ebé’ boot no importante ba sosieade ida ne’e. Bele muda sosiedade ho valores sira don Bosco nian, ne’ebé simu durante iha eskola no koleju salesiano nian.
Nune’e Padre delegadu, esplika sé mak antigus alunus don Bosco nian. Iha nivel 4 antigus alunus:
- Ema hotu ne’ebé, eskola no hela iha koleju salesiano, maibé depoizde remata eskola no sai husi ambiente salesiano no nunka fila fali ba uma salesiano, hirak ne’e hanaran Amigos de Don Bosco;
- Ema sira ne’ebé eskola no hela iha uma salesiano, maibé buat ne’ebé sira hanoin hetan mak: agradese ba formasaun ne’ebé’ sira simu husi uma salesiano sira;
- Ema sira ne’ebé depoizde sai husi eskola no koleju salesiano, sira fila fali ba uma salesiano, no hakarak hola partes membru iha asosiasun AA nian,
- Hirak ne’ebé, ho voluntaria tomak dedika an, atu serbizu hamutuk iha misaun salesiana hodi hola parte membru ezekutiva iha federasaun ida.
Tuir esplikasaun ne’e, Padre delegadu dehan: ikus nian nivel 3 no 4 mak sira ne’ebé ita hanaran Antigus alunus salesiano sira.
Ho elementu 4 ne’e, Padre delegadu Mundial AASDB, fo naroman ba asembleia kona ba identidade loos Antigus Alunus Salesiano. La’os rame deit, maibé grupu ne’ebé dedika an voluntaria atu sai membru no mos lideransa iha Asosiasaun no iha Federasaun.
Molok remata enkontru don Raphael husu ba Antigus alunus sira, difikuldade ne’ebé sira hasoru nudar asosiasaun AA. Iha resposta oi-oin, liuliu kona ba sede ka fatin.
Hodi rona ba dezafiu sira, adre delegadu Mundial AA, fo hanoin katak: don Bosco hahu nia misaun, nia la moe atu husu esmola atu bele hari eskola no koleju ba nia oan sira (foinsa’e sira). Nune’e misaun iha rai Timor Leste, hahu ho misionario sira, nudar don Bosco nia oan, sira mos halo hanesan don Bosco. Nune’e eziste eskola no koleju barak iha Timor. Agora, mak tempu iha ne’ebé’ AA sira mak fo tulun ba salesiano sira.
No liafuan ikus nian, don Raphael dezafia Antigus Alunus Salesiano TL, ho afirmasaun ida ne’e: nune’e hanesan Don Bosco nia oan sira, husu atu imi serbi la’os ema kiak sira, maibé serbi ema kiak- liu iha sosiedade.
(Maria Sarmento Guterres)
