Dili – Ohin loron 22 fulan Jullu 2018, ho ksolok boot Oratorianu no kolaborador sira husi Oratoriu Maria Auxiliadora hato’o sira nia gratatidaun ne’ebé profundu ba Irmán Novisia nain tolu, ba sira nia apostoladu ne’ebé sira hala’o durante tinan rua iha Oratoriu Maria Auxiliadora. Ho dansa simples no knananuk ne’ebé sira rasik prepara ho entuziasmu tebes. Maske fahe malu mak sai momentu ne’ebé susar maibé reprezentante husi Animador no kolaborador Oratorianu nian hato’o mensajen furak ne’ebé dehan : “ imi sei sai Madre, ami hein atu imi sai Madre ne’ebé di’ak hanesan imi halo mai ami.Imi hadomi ami no buka tuir ami bainhira ami la mai iha Oratoriu”. Reza nafatin mai ami no keta haluha ami. Obrigada barak ba buat hotu ne’ebé Irman sira halo mai ami ida-idak.

(Isabel Gomes)