Komunidade Laura Vicuña selebra tinan 25

Laga – 16 Outubro 2021, komunidade Orfanato Beata Laura Vicuña selebra tinan 25 ( 1996 – 2021) prezensa FMA iha parokia Laga. Tema ba festa ida ne’e mak “TAN BUAT HOTU MAK GRASA IDA, FÓ AGRADESE NAFATIN” selebrasaun hahu ho Eukaristia diriji husi Pe. Provinsiál Pe. Apolinario Neto, SDB, ho koo-selebrante padre nain tolu iha igreja S. Joao Bosco, Laga.

Iha padre nia omilia hateten; Maromak hadomi imi, tau laran luak, laran maus, haraik an, laran sadia no pasensia nuudar imi nia hatais. Fo agradese ba Maromak ba grasa no bensaun wa’In ne’ebé komunidade simu durante tinan ruanulu resin lima nia laran, liu husi bemfeitores sira nia jenerosidade no ho kolabarasaun husi familia salesiana misaun buras too ohin loron.

Depoisde misa, konvidadus sira hotu konsentra iha Tomagua kontinua halo inagurasaun ba beé hodi tesi fita husi Sr. Philip Witt – Embaxador Nova Zelandia iha Timor Leste ne’ebé fo tulun, Padre provinsiál no Ir. Evangelina Xavier, FMA reprezentante madre Provinsiál, madre Alma Castagna FMA. Hafoin Padre provincial fo bensaun ba Beé. Aleinde ne’e prezente mós Sr. Rui Manuel Gago, director Jeral Ministeriu Solidariedade Sosial Inkluzivu, sra. Dinorah Granadeiro, Komisaria Komisaun Labarik nian. Irmán sira husi komunidade Dili, Baucau no Venilale, Antigas alunas orfanato no ho Familia Salesiana Laga nian. Iha diskursu sira kuaze hotu hatoo parabens no agradese ba FMA sira nia dedikasaun hodi tau matan ba labarik feto sira “oan kiak sira” liuliu ba sira nia formasaun integral hodi moris ho dignidade no prepara sira ba futuru ne’ebé sei mai. Agradese ba Maromak bele hetan ona Beé ba Orfanato Beata Laura Vicuña. Husi Sr. Rui Manuel hatoo espresaun triste nuudar diretor jeral MSSI tamba durante tinan 25 nia laran la hetan tulun husi estadu no nia deklara katak orfanato Laga no Venilale legal ona sei hetan tulun husi governu. Iha eventu ida nee mos aprezentasaun no tau rai ba aihun sinal lansamentu ba uma Laudato Sii nian hafoin kontinua almoso hamutuk hodi fahe ksolok fraternizasaun nian no ikus haree exposisaun….. no fahe malu.

( Ir. Ligia Sarmento FMA)