Liturjia Domingu III Tempu Komún nian propoin mai ita kontinuasaun reflesaun hahú tiha ona iha domingu kotuk. Maromak hadomi ema ida-idak no bolu nia ba moris nakonu no loos. Ema nia resposta ba Maromak nia bolun liu husi dalan konversaun pastorál no identifikasaun ho Jezús.

Leitura dahuluk dehan mai ita – liuhusi istória profeta Jonas ne’ebé simu mandatu atu haklaken konversaun ba makhorik Nínive nian – katak Maromak hadomi ema hotu no bolu sira ba salvasaun. Ema Nínive sira nia disponibilidade atu rona Maromak nia apelu sira no halo dalan konversaun sai modelu ida resposta adekuada ba Maromak nia bolun.

Iha Evanjellu konvite ne’ebé Jezús halo ba ema hotu mak atu sira sai ninia dixípulu sira no integra an iha ninia komunidade. Marcos aviza katak atu tama iha komunidade Reinu nian persupoin dalan ida “konversaun” nian no adezaun ba Jezús no ba Evanjellu.

Leitura daruak konvida sarani sira atu hanoin katak “tempu liu lais de’it”. Realidade no valór sia mundu nian liu lais de’it nune’e, labele absolutiza sira. Maromak konvida sarani ida-idak, atu fihir metin ba mundu futuru nian – katak, fó prioridade ba valór rohan-laek sira, konverte an ba valór sira “Reinu” nian.

Download