Dili – Estudante sira eskola Maria Auxiliadora, foin lalais ne’e (08 –Marsu- 2018), hetan konvite atu ba aprezenta iha Televisaun GMN iha Mandarin. Alunos sira ne’ebé partisipa iha atividade ida ne’e husi aluno/a sira 7⁰ ano, hamutuk nain 15 inklui profesora no madre. Programa ne’ebé alunos sira  iha

Aprezenta iha studio TV GMN mak kona ba programa aprendizajem ba lisaun Biologia. Sira nia programa ida ne’e mak hanaran H3 :” HA’U HAKARAK HATENE”. Molok sira konvida estudante sira husi eskola Maria Auxiliadora, husi eskola seluk iha Dili laran mos aprezenta ona iha TV GMN maibé ho materia ne’ebé lahanesan. Objetivu husi programa H3 mak atu tulun alin kiik sira iha uma atu aprende mos lisaun, kantu,animasaun , kriatividade ka  buat hotu ne’ebé Televisaun ne’e aprezenta liu-liu iha area edukasaun nian. Aprezentasaun  kona ba prosesu aprendijazem, halao durante oras ida nia laran, iha prosesu aprendijazem ne’e laos ida ne’ebé ho tipu pasivu ka aluno sira tur no rona deit, maibe interaktivu husi profesora no mos alunos sira, hotu-hotu iha ideia no hakarak atu fo sai. Molok tama ba programa aprendijazem, hato’o uluk introdusaun kona ba Objetivu ka vizaun no misaun eskola nian, ne’ebé aprezenta husi Madre Ina Sarmento, hafoin de introdusaun kontinua kedas ho prosesu aprendijazem materia Biologia ne’eb’e hanorin husi professora Inocencia, aleinde prosesu hanorin iha mos tempu interkala ne’ebé alunos sira ense ho animasaun no ikus liu mak taka ho kantiku ida, husi alunos sira. Wainhira aprezentasaun ne’e remata tiha madre, professora no aluno/a sira fo agradese ba TV GMN, tanba bele fo oportunidade furak ne’e ba sira atu espresa matenek ka buat ne’ebé sira hatene. Tuir informasaun ne’ebé ami hetan katak programa H3 ne’ebé preense husi Eskola Maria Auxiliadora, sei fo sai iha TV GMN depois de semana rua. Ikus atu dehan deit estudante sira haksolok tebes ho programa ida ne’e no ami espera katak ba tempu seluk la’os deit 7⁰ ano maibé husi klase seluk ensinu baziku 1 siklu  ka husi pre-eskolar / TK, mos bele preense iha programa H3 ( Ha’u, Hakarak, Hatene).

(Maria Sarmento Guterres)