Laga – “Ámbitu Misaun – Ad/Inter Gentes Inpetoria FMA TIN organiza formasaun anuál ba Infánsia/Adolexénsia Miisonária husi loron 17 to’o 9 Abríl 2018.

Ba loron dahuluk, membru sira halo viajen bá Laga no la’o ho di’ak. Hahú ho Boas-vindas husi Me Alexandrina Pinto no registrasaun. Tuir mai sira ba haree fatin no haris; hafoin fahe grupu tuir Apóstolu sira nia naran no animasaun kada grupu prepara sira nia “bans”. Labarik sira kontente no haksolok hodi halo parte iha grupu oioin ne’ebé fahe ona ba sira. Hotu tiha merenda hamutuk sira ba asembleia atu IM husi Laga hato’o benvindu/a ho dansa ida, hafoin lia-fuan abertura husi Me. Alexandrina husi ekipa AG no hato’o programa ba loron tolu nian.

Loron daruak atividade ba formasaun IM iha Laga hahú Missa iha Parókia. Tuir mai sira halo reflesaun kona ba “Labarik tulun labarik” bazeia ba Evanjellu Jo 6,1-15, iha ne’ebe  hodi labarik ida nia kontribuisaun paun fuan lima bele fó han ba ema barak. Ho ida ne’e ita tulun labarik sira  atu sai laran luak ho buat ne’ebé sira iha. Maski ki’ik maibé liu husi buat kiik ne’e mak Maromak halo buat boot. Reflesaun pesoál tiha no sharing iha grupu ho atividade dezeñu no pergunta sira, nune’e ajuda duni sira, hodi fahe ho ksolok no empeña-an atu bele sai laran luak iha sira nia fatin.

Iha loraik grupu ida-idak pratika laran-luak nian, hodi fahe paun ne’ebé sira  iha (roupa, sapatu, hahán, sabaun nst) ba sira ne’ebe kiak no ki’ik iha área sira ne’ebé IM Laga determina. Fila husi vizita iha merenda, Tersu Misionáriu. Ksolok tebes tanba iha mós presenza Pe. Jose Gonzaga, nu’udar diretór OPIAM Dioseze Baucau nian. Atividade ne’e sei remata aban ho Missa enserramentu ne’ebe sei dirije husi Pe. Clement Vaclav no Pe. Rui Gomes,SDB, pároku Laga nian.

(Ámbitu Misaun)