Dili – Tinan ida ne’e tuir programa Inspetoria nian komunidade idak-idak buka atu anima no halo festa Natál hamutuk ho família sira  iha idak-idak nia komunidade.

Komunidade Divina S. José (Novisiadu) mós halo nia festa. Iha loron 30 Dezembru, tuku 10.00 fó bemvinda ba família sira. Iha tuku 11.15 iha konferénsia badak ba família sira, ne’ebé Ir Giannina Spaggiari mak fó, ho tema mak “Hametin unidade iha família”. Enkuantu boot sira tuir enkontru, kiik oan sira halibur halo animasaun hamutuk ho Irmán sira. Depoizde konferénsia iha selebrasaun badak ho família sira iha kapela, hafoin han meiudia hamutuk no konvíviu hamutuk família sira, maski simples, maibé família no Irmán sira hotu haksolok .

Obrigada ba família sira nia prezensa  Maromak haraik bensan wain. “Sagrada Família abençoe a nossa família”.

(Ana Manuela Costa)