Loron 1 Seminar Komunikasaun Sosiál

Pansol (Filipinas) – Enkontru formasaun Koordenadora sira “Ámbitu Komunikasaun Sosiál FMA nivel CIAO (Konferénsia Inter-Inspetoriál CIAO no Sul Pasífiku) hahú ohin, 5 Abríl,  organiza husi Ámbitu KOMSOS Sentrál, ho prezensa Ir Maria Helena Moreira nu’udar Konselleira Ámbitu nian no ninia kolaboradora Ir Gabriella Imperatore.

Objetivu enkontru nian mak fahe Polítika Komunikasaun Institutu FMA nian no haburas grupu reflesaun nian atu hametin misaun edukomunkativa Koordenadora sira Komunikasaun nian iha sinerjia ho ámbitu sira seluk.

Enkontru ne’ebé konta ho partisipante na’in 20, hahú ho invokasaun ba Espíritu Santu no Liafuan Benvinda husi Provinsiál Filippinas nian, Ir Mabel Pilar.

Depoizde orasaun no benvinda, tama kedas ho aprezentasaun tópiku “Valdocco no Mornese nu’udar ekosistema edukomunikativu“, ne’ebé dudu atu haree komunidade edukativa ohin nian nu’udar espasu espiritualidade, kultura, solidariedade no komuñaun. Husi bolun “A Te le affido” no “Da mihi animas cetera tolle“, ne’ebé Maria Mazzarello no Don Bosco simu mak moris “planu komunikasaun Maromak nian ba Família Saleziana”. Husi raronak ba realidade juveníl nian, Madre Mazzarello no Don Bosco hatutan mai ita patrimóniu komunikativu ida ne’ebé konvida ita atu hateke ba Institutu FMA, Kongregasaun Saleziana, CIAO, Inspetoria, Komunidade edukativa nu’udar espasu relasaun interpesoál signifikativa nian, maturasaun fiar nian no koerénsia komunikativa mensajen evanjéliku iha estilu karizma salezianu.

Tópiku ne’e lori atu identifika “komunikasaun karizmátika saleziana” liuliu estilu Madre Mazzarello nian, hodi analiza mós nia Surat ruma hodi identifika indikadór sira ne’ebé karakteriza Madre Mazzarello ninia estilu “edukomunikadora nian”.

Madre Mazzarello EduKomunikadora

Estilu edukativu-komunikativu Maria Domenica Mazzarello nian, no “Filhas de Maria Imaculada” nian no Irmán dahuluk Mornese nian, halo ho akollimentu no atensaun ba menina sira ne’ebé presiza liu.

Ninia modu relasionamentu nian ho sira manifesta iha afetu, iha konfrontu, iha korresaun fraterna, iha marka kordiál. Madre Mazzarello soi no tau iha asaun arte ida karakterístika feminina atu kapta, ho fuan ne’ebé haree borus, buat ne’ebé esensiál no pontu fokál moris nian, relasaun nian, nesesidade nian.

Iha ninia sabedouria nia husu edukadora sira atu keta iha fuan ki’ik-oan, maibé «fuan ida jenerozu no boot».

Iha komunidade M. Mazzarello mak inspiradora resiprosidade nian, hamosu abertura, konfiansa, familiariedade, respeitu ba ema sira nia ritmu, ba sira-nia tempu aseitasaun valór sira ne’ebé propoin ba sira. Nia hatene kria klima ida relasaun edukativa pozitiva nian ne’ebé permite atu Irmán no menina sira buras iha dimensaun komunikativa relasionamentu nian ho Maromak no ho ema seluk.