Venilale – Iha komunidade ruma ne’ebé halo ona Festa Gratidaun ba Madre Jerál, hanesan komunidade Madre Mazzarello, Venilale. Festa halo loron ida antes, 25 Abríl, depoizde férias paskál.

Tema ne’ebé Inspetoria Maria Imakulada (EUA) hili foti husi poema ida Emma Lazarus nian  iha estátua “Liberty”: “Haraik mai Ha’u imi nia ema kolen, ki’ak, terus, aperta malu, ho hakarak boot atu dada i’is livremente” no hamutuk ho ho slogan: “Ha’u entrega sira ba ó” ne’ebé Madre Mazzarello simu.

Inspetoria FMA TIN hala’o selebrasaun ne’e hodi propoin Lectio Divina ba pasajen evanjélika Mt 25,31-46, kona-ba “juízu final”, prepara husi Ir Alma Castagna. Pasajen sentrál mak “Wainhira imi halo buat ne’e ba ha’u nia alin kiik sira ne’e ida, imi halo mai Ha’u rasik” (Mt 25,40), konvite forte atu sai ema sira ne’ebé hatene simu ki’ik-oan sira, sira ne’ebé ita hakribi, kiak, tanba sira-ne’e mak Jezús identifika nia An bá.

Komunidade edukativa Madre Mazzarello halo Lectio ida-ne’e ohin iha grupu ida-idak asosiasaun sira-nian. Hafoin ida-idak halo ninia empeñu atu hatene simu ema seluk hanesan simu Jezús rasik no aprezenta iha Eukaristia solene, durante ofertóriu, selebra husi Pe. Abrão, kapelaun komunidade nian.

Grupu sira nia empeñu mak hanesan tuirmai ne’e:

• Grupu Cimatti: “Koko atu ajuda maluk sira; nakloke ba ema hotu; apresia ema ida-idak nia rikusoin; haka’as an atu halo di;ak; ron ano halo tuir”.
• Grupu Auxilium: “Haka’as as atu fó tulun ba ema ne’ebé ki’ik no kiak liu; fó atensaun liután ba kolega sira ne’ebé presiza tulun”
• Grupu Mazzarello: “Haka’as an atu moris tuir Maromak nia Liafuan; hakbesik ba maluk ne’ebé presiza”.
• Grupu Don Bosco: “simu ema seluk hanesan simu Jezús rasik; fó motivasaun morál; reza ba ema ne’ebé presiza orasaun; habelun ho ema ne’ebé ha’u la gosta; la hili ema tuir hakarak; la karak ba ema seluk buat ne’ebé ha’u iha; halo karidade no iha laran-sadia; matan-moris no neon-na’in; hakbesik an ba ema ne’ebé presiza”.
• Grupu Laura: “Ami haka’as an atu sai koxiente kona-ba Maromak nia prezensa iha ema ki’ik no labarik sira, no hatudu respeitu ba ida-idak”.