Laga – Iha loron 19 de Julho, membru Familia Salesiana sira hotu hamutuk ho orfaun sira, labarik no foinsa’e sira halibur hamutuk iha Parokia São João Bosco Laga atu selebra misa hodi fo omenajen ba Matebian Madre Antonia Colombo,FMA. Misa solene tan amululik nain 3 ne’ebe iha komunidade Laga no diakon SDB ida, partesipa iha selebrasaun ida ne’e. Durante omelia Pe. Selebrante, Pe. Rui Gomes, Reitor komunidade husu “atu kontinua reza ba madre Antonia ne’ebe halo buat barak ba Kongregasaun no Familia Salesiana ninia buras iha karizma no hametin komuñaun entre FMA sira iha mundu tomak no mós ho familia Salesiana. Nu’udar familia ida deit iha Don Bosco no Madre Mazzarello komunidade Laga hakarak hato’o profundo kondolensia ba Kongregasaun FMA ne’ebe lakon ema ida ne’ebe ho domin no dedikasaun no dalabarak akompana ho sakrifisiu no difikuldade lori karizma ba oin iha mundu ohin nian ne’ebe iha dezafiu oinoin.

Komunidade FMA Laga agradese tebes ba kolaborasaun no serbisu hamutuk entre membru Familia salesiana; SDB, ASC, ADMA, Antigos Alunos, grupu kategorias: Jovens ba Kristu/JBK, Kaben nain ba Kristu/KBK, Kriska/ Kristaun katolika, Animadores no oratorianos sira iha Laga ne’ebe hatudu sira nia solidariedade no apoio orasaun ba Madre Antonia hodi mai partesipa iha Misa sufrajen ida ne’e ba nia. Atu nia deskansa ho hakmatek iha Reiñu Lalehan no rekompensa nia serbisu sira ne’ebe nia halo ba Instituto iha mundu tomak.

(Sr.Angel,FMA)