Dili – Iha loron sexta -feira dia 27 -03 -2020, ha’u Novisa Iº  ano aprezenta  laboratoriu kona ba Konstituisaun artigu identidade nian. Ha’u haksolok tebes tamba bele haklean  artigu 1-7 liuhusi laboratoriu  simples. Molok hahu laboratoriu ami hahu ho orasaun badak, hafoin hatutan kedas ho aprezentasaun kada artigu nian ho ninia elementu essensial ne’ebe deskobre tiha ona hanesan :

• Ho de’it grasa, Maromak hamoris mos esperensia karidade iha MM (cf. Art. 2).
• Ita nia Institutu mak parte moris familia salesiana nian (cf. Art. 3)
• Maria Santissima mak ita nia Institutu nia Inpiradora no kontinua sai mestra no inan (cf. Art 4).
• Aman bolu ita atu moris iha batismu no konsagra ita ho Don Espiritu Santu nian (cf. Art 5).
• “Da mihi animas cetera tolle”, ne’ebe lori DB no MM saran an tomak (cf.

Art 6).

• Esperiensia karidade apostolika nian ne’ebe DB uza iha ninia misaun edukativa ho estilu Kristu Bibi atan di’ak (cf. Art.7).

Liu husi elementu essensial sira ne’e, tulun ha’u atu asimila-an liu tan iha ita nia Santa Regra sira no halo ha’u hanoin fila-fali ita nia orijen Institutu nian. Hanesan DB ho MM ninia saran-an tomak iha misaun edukativa nian.

Hodi hare ba ba elementu essensial sira ne’ebe iha ha’u deskobre mos dezafiu sira ne’ebe bele hasoru nu’udar pessoa iha moris lor-loron nian hodi konfronta ho artigu hirak ne’e, maibe agradese tamba ha’u simu tulun atu hare kedas ninia solusaun ne’ebe iha, atu hatan ba dezafiu hirak ne’e. Ho Laboratoriu ida ne’e ha’u sente haksolok no orgulhu tebes tamba ha’u bele deskobre ita nia Instutu ninia furak liu husi identidade nu’udar FMA, no dudu ha’u atu empeña-an lor-loron no foti Konstituisaun sai hanesan livru daruak iha ha’u nia moris espiritual nian. Obigada barak.

 

(Novisa Laura Pompeia)