Fuiloro, 22 Agosto 2020, loron ne’e selebra nu’udar loron Nai Feto nu’udar Liurai Feto Lalehan nian no mos  loron ne’e sai nu’udar loron agradesimentu ba Madre Alma ne’ebe sai nu’udar inan, bin, no belun ba Irman, foin-s’ae no labarik sira hotu ne’ebe hola parte ba Inspetoria TIN ida ne’e.

Komunidade Beata Maddalena Morano Fuiloro ohin selebra Festa Agradesimentu ba Madre Alma hahu ho Eukaristia Santa ne’ebe selebra husi Padre Venancio Freitas, Sdb.

Festa ne’e nia sentidu mak agraadese ba Maromak ba Madre Alma nia kna’ar hotu ne’ebe nia hala’o durante tinan ne’e nia laran. Iha omilia Padre Venancio mos mensiona kona ba liafuan agraddese mak virtude ida ne’ebe ita ida-idak iha. Hatene simu no hatene fó. Agradese ba Maromak ba Madre Alma nia kna’ar hotu no mos ba Irman FMA hotu nia serbisu ba misaun foin-sa’e sira nian iha rai doben Timor Leste.

Agradese hodi reza ba malu no tulun malu iha moris hamutuk hodi harii unidade entre Irman no foin-sa’e sira ne’ebe Maromak entrega ba ita iha ita nia misaun lor-loron nian hodi reza ba komunidade ida-idak molok tama ba festa ne’e.

Obrigada Madre Alma ba diak hotu ne’ebe ita fahe ho ami, no foinsae sira hotu ne’ebe hola parte iha Komunidade Bata Maddalena Morano Fuiloro.

(Ines Bartolo Freitas FMA)