Peregrinasaun ba Na’i-Feto iha Ariana

LAGA- Peregrinasaun ba Foho Ariana atu taka fulan Outubro. Ohin komunidade Beata Laura vicuna Laga halao peregrinasaun ba foho Ariana. Preparasaun ba peregrinasaun nee hahù iha kinta feira ho ritu penitensial, sesta feira irman sira no orfaun sira hotu hakbesik an ba Sakramentu Konfisaun no Sabado kalan komunidade hotu partesipa iha Misa Vespertina nian.

Orasaun hahu iha foho Ariana nia okos hodi lao ho silensiu too iha parte ruma hafoin hahù ho orasaun momento no no kontinua too momento V. Grupu Asosiasaun idaidak mak anima iha kada momentu sira nee. Ami too iha estatua Maria Ausiliadora exatamente oras meudia. Maski manas no kolen orfaun sira reza ho devosaun no hakmatek.

Depoisde de orasaun iha mos momentu atu fo onra ba Nai Feto ho musika espontanea sira. Hafoin ami fila fali mai foho hun atu han meudia nebe prepara husi Sr. Fatima Mira Belo nia familia no mos husi komunidade. Agradese tebes ba jestu simplis no laran luak husi familia sira nee. Depoisde han meudia orfaun no madre sira agradese ba familia nebe prepara almoco midar e gostosu nee.

Iha dalan fila ba Laga ami mos liuba Cimiterio Fatumaka atu reza no fo ami nia omenajen ba Pe. Ilidio Correia nebe mate Domingo Kotuk. No mos ba Pe. Joao de Deus nebe halo ona tinan ida tanba orfaun balun iha momentu neba labele marka presenza tanba Eskola halo selesaun deit.

Ami hotu fila mai uma haksolok tebes no agradese ba malu tanba Peregrinasaun tinan ida nee orfaun sira rasik mak buka osan ba transporte liuhusi Expo misio nebe ami halo iha semana kotuk ba peregrinasaun kada Asosiasaun suporta $120 no ba Sumba $200 USD.

(Angelita Gomes FMA)