Dili – Iha 17  Fevereiru, ita tama ona ba tempu kuarezma nian, maske nune’e ho haksolok tebes, komunidade hamutuk ho menina sira  simu ho fuan haksolok  Me. Provincial  nia vizita kanónika  ne’ebé halo iha komunidade Divina Provvidenza. Ami simu Madre Provincial tuku 15 : 00. Ami hotu ho laran kontente simu Madre, ho liafuan bemvinda ne’ebé espresa sai husi menina sira katak, ami haksolok atu simu madre iha ami nia le’et.

Madre nia vizita fó hanoin fali mai ami Dom Bosco nia liafuan ne’ebé dehan “Superiora ida nia vizita mak vizita Na’in Feto nian “. Tan ne’e ami agradese barak ba madre nia prezensa ne’ebe mai iha ami nia le’et atu tulun no hametin liutan ami nia tali komuñaun nian no atu hafoun ami nia FIAR, ESPERANSA no KARIDADE tuir tema ba madre nia vizita kanónika ida ne’e. Dala ida tan bemvinda, bemvinda, Me. Alma doben!

Depois de tara tais ami akompaña Madre ho dansa no lori Madre ba kapela hodi halo orasaun no entrega madre nia vizita ba Nain Feto, atu nia mak sei guia madre nia vizita iha komunidade ida ne’e. Obrigada.

(Domingas Pereira FMA)