Venilale – Horisehik loron 20 fulan Fevereiru tinan 2021, ho ksolok boot Inter-ambito Formasaun no Pastoral  Juvenil, realiza seminar kona ba sistema preventivu iha Venilale komunidade Maria Auxiliadora. Seminar ne’e fó ba formande sira hamutuk nain pre-Aspirante 6, aspirante 4, postulante 4, Novisia tolu no  OV  tolu.

Objetivu husi seminar ne’e mak tulun formande sira atu bele hatene no koñese didi’ak ita nia sistema  preventivu, nune’e bele fasilita liutan sira nia apostoladu hamutuk ho foinsa’e no labarik sira.

Iha seminar ne’e ami hahú ho orasaun badak, hafoin introdusaun badak husi Ir. Esmeralda Soares FMA, ekipa formasaun nian dehan : ho ksolok boot ami fó bemvinda ba imi hotu ne’ebé ohin partesipa iha seminar ida ne’e, ha’u husu atu imi aproveita didi’ak oportunidade ida ne’e hodi hatene no koñese didi’ak ami nia Sistema iha kongregasaun nia laran, liu-liu imi sira ne’ebé foin hahú  hanesan OV, ha’u husu imi lato’o de‘it atu rona maibé rona no pratika iha imi nia apostoladu ne’ebé imi sei hasoru.

Tuir mai Ir. Olga Belo,FMA. Nu’udar pregadora ba enkontru ida ne’e, aprezenta orariu no atividade hotu ne’ebé ami  atu hala’o. Tuir mai tama kedas ba power point kona ba Sistema Preventivu no asistensia Salesiana nian. Ir. Olga dehan dala barak ita ko’alia konaba sistema preventivu no imi balun karik agora de’it mak foin rona. Entaun saida mak sistema preventive ne’e rasik? Bainhira ita ko’alia konaba sistema Preventivu ita ko’alia konaba Don Bosco rasik, se ita la koñese Don Bosco ita lahatene mós konaba Sistema Prevetivu.

SAIDA MAK SISTEMA PREVENTIVU?

TANBA SA?

Ita koñese Sistema rua: 1. Sistema Preventivu, Sistema Represivu (imi sei estuda iha imi nia moris tomak) agora ita sei fokus de’it ba Sistema Preventivu no oinsa ita koko atu moris tuir(orfaun,oratorio, asarama).

•  Sistema Preventivu mak  Don Bosco rasik.( la stessa persona di DB)
• Rezumu  ba Don Bosco nia  esperiénsia no moris rasik.
• Santo boot ne’e nia istória pesoal mak manifesta husi ninia edukasaun.
• Nune’e klamar Sistema Preventivu nian mak  mak método edukasaun ida, maibé liuliu Espiritualidade ida, katak domin ida ne’ebé oferese gratuitamente ho nia hun mak karidade Kristu Bibi Atan di’ak  ne’ebé mai husi kriatura ida ida ho Ninia Provindensia, akompañamentu ho Ninia(Kristu) prezensa  ne’ebé Salva liuhusi saran Nia moris tomak.
• Liga ho DB nia moris, nia renova nafatin ho ninia maneira rasik, DB nia Sistema rasik.
• Riku-soi  husi jerasaun ba jerasaun DB nian.(e piu preziosa eredita di DB)
• Domin ne’ebé libre no salva.
•  Serbi de’it Maromak.
• Nia abut nia orijin mak DB nia benevolenza.
• Karidade Bom Pastor nian.

Surat famosu husi Roma 1884(Cost.FMA indice).

PREZENSA EDUKATIVA-ASISTENSIA

ELEMENTU  PRINSIPAL SIRA/TRINOMIO

• RAGIONE (RAZAUN)
• RELIGIONE(RELIZAUN)
• AMOREVOLEZZA (DOMIN).

Depois de aprezentasaun hotu tiha fahe ba grupu, iha grupu laran sira diskute konaba elementu esensial  5 asistensia Salesiana nian no elementu 5 konaba kultura nian hodi bazeia ba sira nia esperensia rasik hodi dramatiza tuir grupu ida-idak nia kreatividade. No ikus nian kada halo empeñu atu moris tuir iha komunidade no apostoladu.  Formande sira agradese no apresia tebes ba seminar ne’e hodi espresa liu husi sira nia knananuk. Remata ho han meiodia hamutuk hafoin ida-idak fila fali ba nia Komunidade.

Ir. Honória & Nov. Laura