Cassa – Liuhusi retiru ho tema “Prepara Fatin ba Festa Pasqua ho Jesus”. Reflesaun foti husi pasajem Evanjeliko S. João 22:1- 22.

Retiru fahe ba loron tolu (3), tuir klase, ba alunus sira husi eskola media pubbliku Cassa nian.  Atu fasilita diak liutan reflesaun: hodi dedika loron dahuluk iha loron tersa-feira dia 23 Marzo, irman sira prepara alunus nono (9) ano, atu hakbesik an ba Festa Boot Pasqua, ho laran moos no diak. Alunus sira hamutuk 102 pesoas. Hahu reflesaun ho invokasaun ba Espiritu Santo, iha ne’ebe’ alunus sira ho intuziasmo hananu knananuk Espiritu Santu,  atu haroman momentu furak ne’e. Iha momentu silensiu no hakmatek nian, ida-idak hakerek nia surat ba Jesus, uluk kna-nain Agardese ba Maromak Nia domin ne’ebe’ fo moris no proteze nafatin, no mos husu perdua ba sala sira.

Alunus sira haksolok ba esperiensia ne’ebe’  halo iha preparasaun ba festa boot Pasqua ne’ebe’ to’o daudaun ona.

Loron quarta- ferira 24 marzo, mak nu’udar  loron daruak retiru nian, iha ne’ebe’ irman sira  kontinua oferese reflesaun ho tema hanesan ba  alunus sira husi oitavo (8)  ano, hamutuk  102 pesoas. Ir. Ana Rosalia, apresenta tema reflesaun ba alunus sira, ho perguntas ida ne’e:” oinsa, nu’udar alunus no ema sarani, prepara fatin han Pasqua nian ba Jesus”. Halo alunus sira reflete no fo sira nia resposta pesoal, hodi hakerek surat ba Jesus.

Liafuan husi alunus oitavo ano nain tolu (3) sira – nia esperiensia iha retiru ne’ee. Isais Bianco dehan: “ha’u gosta espereinsia ne’e, tamba bele Rona Maromak Futar Lia Fuan, no sadik ha’u ho perguntas sira, hodi hatan ho realidade hau nia moris nian”, husi Jemijerio  Lopes dehan:”Retiru bele halo ha’u hakmatek, atu reza hamutuk”, no  Janio de Araujo:”ha’u gosta retiru ne’e, tamba ha’u aprende reza ba Espiritu Santo liuhusi hananu ne’ebe’ loke orasaun”. Alunus nain tolu (3) ne’e, komfirma katak ne’e mak esperiensia dahuluk kona ba retiru, sira nunka hetan no halo esperiensia ne’e.

Loron Kinta-feira 25, Festa Anunsiasaun Na’i Nian, mak loron datolu reitu nian, ba alunus  husi setimo (7) ano sira. Liuhusi reflesaun kona ba :”Prepara Fatin ba Festa  Pasqua ho Jesus”. Tulun alunus sira, atu hanoin oinsa, sira nia preparasaun ba Festa Pasqua ne’ebe’ to’o daudaun. Alunus ne’ebe’ partesipa hamutuk  95 pesoas. Molok fahe malu, ir. Sebastiana explika kona ba Papa Fransisco nia konvite, atu ohin ema sarani hotu sei reza hamutuk orasaun ne’ebe’ Jesus rasik hanorin”AMI AMAN”, iha oras ne’ebe’ hanesan, atu husu Maromak nia laran sadia ba umanidade ne’ebe’ sofre tamba pandemia…

Remata ho ami nia orasaun :“Agradese Maromak, ba Nia Domin ne’ebe’ proteje nafatin ami iha Cassa, tamba maske situasaun pandemia habelar no taka dalan sira, no halo para atividade hotu, maibe iha tempu forte ida ne’e ami bele halo retiru, hodi fo tempu atu hakmatek, Rona Nai Nia Futar Lian, no tempu hanesan tulun atu ami ida-idak rona ami nia an- rasik. Ami nia orasaun oferese  ba maluk sira hotu dook, no besik, maske imi la halo esperiensia retiru iha tempu forte Quarezma 2021 nian, maibe MAROMAK SEMPRE HADOMI IMI HOTU, NO PROTEZE NAFATIN, ita nia familia, ita Nia Kreda, no ita nia Rai Timor Loro-sa’e. Amen

Sr Sebastiana Costa – Misaun Cassa