Venilale – Iha tinan ida ne’e ne’ebé Papa Francisco dedika nu’udar tinan espesiál ba S. José, atu hakle’an no moris tuir S. José nia atitude no virtude sira iha surat Apostólika PATRIS CORDE iha tinan 150 proklamasaun S. José nu’udar mahein Kreda universál.

Nune’e ohin, loron dahuluk Maiu nian, hamutuk ho kreda universál ami komunidade Madre Mazzarello selebra festa S. José Operáriu liu husi drama, diálogu no knananuk kona-ba S. José nian bazeia ba Patris Corde.   Grupu asosiasaun ida-idak haka’as an aprezenta ho maneira ne’ebé bele tulun grupu asosiasaun seluk, kompriende atitude S. José nian ne’ebé relata iha surat apostólika Patris Corde.   S. José Aman ida ne’ebé hadomi; aprezenta husi – Cimatti, S. José Aman ida ne’ebé laran maus nakonu ho domin – grupu Laura Vicuña, S. José Aman ida ne’ebé obediente – husi Laudato Si, S. José Aman ida ne’ebé simu – aprezenta husi grupu Don Bosco, S. José Aman ida ne’ebé brani ho kriativu – husi grupu Animadór/a sira, S. José Aman ida ne’ebé serbisu – grupu Madre Mazzarello no S. José Aman ida ne’ebé iha lalatak husi gurpu Mariano.

Objetivu husi aprezentasaun hirak ne’e mak atu haburas liután ami-nia devosaun ba nia liuhusi orasaun ne’ebé reza iha loron kuarta kuarta, hatene ninia atitude sira nune’e bele imita tuir nia iha ami-nia moris loron loron nian liuliu ninia atitude Responsavel, Umildade no Obediente total ba Maromak nia hakarak. Ikus liu husu nia tulun atu tau-matan no proteje ami buat aat hotu no moras aat oioin, hanesan nia tau-matan no proteje Jezús Kristu no Maria Virjen iha Nazaré.

(Alice Filipe FMA)