Dili-Balide, loron 24 Maio 2021. Loron espesial tebes ba FMA no Familia Salesiana iha mundu tomak. Iha loron ida ne’e, ami la’os de’it selebra festa Maria Auxiliadora nian maibe mos festa aniversariu FMA balun no iha ami nia komunidade mak Sr. Armenia Menezes.

Festa ne’e hahu ho novena. No selebrasaun ohin nian, hahu ho laudes no missa hamutuk hafoin iha kalan iha divertimentu.  Maske iha tempu lock down, maibe la iha razaun atu hapara ami nia ksolok ne’ebe ami bele fahe hamutuk.

Selebrasaun Eukarístika preside husi Pe. João Boavida, SDB. Iha ninia reflesaun, nia afirma oinsa obidiensia nia importansia. Maria la obriga Jesus maibe, husu ba atan sira atu halo tuir buat ne’ebe Jesus dehan.

Ami haksolok no agradese tebes ba modelu Inan di’ak ida ne’e. Ami nia domin ne’e sei sai buras iha ami nia hakaas an atu moris tuir nia attitude sira iha ami nia moris.

BUONA FESTA BA ITA HOTU…

(Komunidade Balide)