Fuiloro – Iha loron 24 Maiu, Komunidade Beata Maddalena Morano selebra Festa Maria Auxiliadora nian hahu husi dader ho Konsertu Musikal Mariana nian ne’ebe aprezenta husi Menina Kolejiu sira tuir Grupu ida-idak ho hananu Maria nian ho lian Italiano no Portugues.

Iha lokraik kontinua ho Prosisaun Nain Feto Auxiliadora nian iha ambiente Kolejiu nia laran. Grupu ida -idak anima orasaun ho knananuk tuir kreatividade grupu nian.  Menina Kolejiu sira ho fuan haksolok selebra Festa ne’e hodi fo an tomak partisipa iha atividade hotu ne’ebe hala’o.

Iha lokraik Tuku 18:30 Lokraik taka ho Misa Solene  ba Nain Feto Maria Auxiliadora nian,  ne’ebe preside husi Padre Rolando Fernandes, SDB hamutuk ho Padre Jose De’sa nu’udar ko selebrante ba misa solene ne’e.

Iha omilia Padre Rolando esplika kona ba oinsa mosu titulu ne’e? tanba iha tempu Papa Piu V  situasaun funu relijiaun nian sai makaas liu tan ne’e Papa husu ba sarani sira atu halo orasaun ba Nain Feto Auxiliadora nu’udar Sarani sira nia tulun, nune’e  Sarani sira manan ho Musulmanu sira iha funu Lepanto iha loron 7 Outubru 1571. Iha Don Bosco nia tempu hahu husi ki’ik kedas, hahu ona kuda devosaun ba Nain Feto liu-liu iha misaun hotu nafatin hetan Protesaun husi Maria. Don Bosco nia devosaun ba Maria Auxilaidora boot tebes nune’e nia harii Kongregasaun Filhas de Maria Auxiliadora no mos harii Basilika Maria Auxiliadora nian iha Turin iha tinan 1862 no inagura iha loron 27 Outubru 1868.

Agradese ba Nain Feto Auxiliadora nia tulun no protesaun bai ta no Familia Salesiana sira iha mundu tomak. Boas Festa Maria Auxiliadora!

(Ines BArtolo FMA)