Dili – 24 de Maio. Mak loron ne’ebé  espesial ba familia Salesiana tomak, tan loron ne’e mak ita selebra Solonidade Inan Virgen Auxiliadora nian. Hodi selebra festa Maria Auxiliadora nian ne’ebé monu iha loron ohin, komunidade Divina Providenza antesipa festa ne’e hodi oferese ba menina sira kreatividade oin-oin : Haklean Koñesementu kona ba Na’in Feto nian liu husi” konkursu” ne’ebé koalia kona ba Na’in Feto nia moris.

Depois de tersu, iha grupo ida-idak hili ninia musika hafoin aprezenta ba Na’I Feto. Furak liu iha kalan ne’e hotu-hotu hananu ho ksolok ba Na’I Feto katak laos deit atu hetan valor sira maibé  hodi hatudu sira nia domin ba Na’in Feto liu husi musika ne’ebé sira hili no hananu. Depois de musika Madre Diretora komunidade nian, Ir. Maria Brígida deSousa FMA fó boa noite ba Irmãn no mos menina sira : Iha boa noite Madre dehan katak : Iha loron hirak ne’e ita nia preparasaun ne’ebé ita halo ba Na’in Feto halo ita sente katak “ Na’in Feto la’o iha uma ne’e”, tan ne’e aproveita tempu ida-idak hodi halo diak. Imita Nai’in Feto, Nia ne’ebé hatene kontempla Maromak nia Oan ne’ebé iha nia knotak sei hanorin mos ita atu kontempla nia Oan doben. Hare ba tempu agora ida-idak tenke dehan para ba nia an, tamba foin sa’e sira iha tempu agora gosta liu book an, nune’e presisa Na’i Feto nia ezemplu katak tenke para atu rona, kontempla kona ba Maromak nia furak ne’ebé Maria lori iha nia knotak.

Ikus Madre dehan ba menina sira atu tau laran metin ba Na’in Feto, tamba wainhira ita mesak ita labele halo buat ida maibe wainhira imi  husu ba Na’in Feto nia sei haraik ba imi grasa ne’ebé imi husu.

(Komunidade Divina Providénsia)