Estilu edukativu-komunikativu Maria Domenica Mazzarello nian, no “Figlie di Maria Immacolata” nian no Irmán dahuluk Mornese nian, halo ho akollimentu no atensaun ba menina sira ne’ebé presiza liu.

Ninia modu relasiona hatudu ho afetu, konfrontu, korresaun fraterna, tratamentu kordiál.

Madre Mazzarello iha no implementa arte tipikamente feminina atu kapta, ho intuisaun fuan nian, buat ne’ebé esensiál no pontu fokál moris nian, relasaun sira-nian, nesesidade sira-nian.

Iha ninia sabedouria nia husu edukadora sira atu ket aiha fuan ko;ik-oan, maibé «fuan ida jenerozu no boot».

Iha komunidade M. Mazzarello mak inspiradora resiprosidade nian, fanun abertura, konfiansa, familiaridade, respeitu ba ema nia ritmu, ninia tmepu sira aseitasaun ba valórssira ne’ebé propoin. Nia hatene kria klima ida relasaun edukativa pozitiva ne’ebé permite ba Irmán no menina sira sai boot iha dimensaun komunikativa iha relasionamentu ho Maromak no ho ema seluk.

Ambiente edukomunikativu ida (fuan oratorianu), iha-ne’ebé edukadora sira, iha sira-nia papél espesífiku, harii relasaun sira simplisidade, familiaridade no serenidade nian entre sira no menina sira.

Madre Mazzarello no FMA dahuluk sira buka asaun konkreta no estratéjia sira komunikasaun nian: “buona notte”, kolókiu mensál, enkontru pesoál sira, konferénsia sira, rekreiu sira, enkontru fraternu sira, paseiu sira..

Estilu edukativu-komunikativu iha MM nia surat sira ba misionária dahuluk sira

Ho Irmán sira ne’ebé dook, MM husi Mornese, mantein komunikasaun espistolár frekuente no riku ho konteúdu. Iha Surat sira nia haktuir rikusoin umanidade nian, esensialidade nian no realizmu nian hodi tau iha sentru ema ho ninia difikuldade sira, ninia potensialidade sira no nia ksolok sira.

Iha hakerek nia mantein estilu simples, kroat, borus. Nia estabelese relasaun ho ema ida-idak, halo pergunta ne’ebé kona ema nia profundidade. Nia uza «espresaun espontánea sira, vokativu, asinatura rasik, apelu sira: atitude sira ne’ebé ninia karakterístika sira, hanesan interese ba ema ida-idak nia moris no situasuan konkreta, enkorajamentu […] hodi afetu no orasaun».

Nia hatene jere komunikasaun komuñaun nian no la la kuran feed-back husi ninia interlokutór nia parte. Ninia komunikasaun la’ós tranzmisaun mensajen sira-nian, maibé emerje ninia kapasidade atu hamosu interasaun, estabelese diálogu ho ema sira ne’ebé nia dirije surat bá.

Ne’e mak komunikasaun familiár, kona ema nia moris loroloron, fó konsellu kona-ba korresaun fraterna, hanorin, ko’alia kona-ba problema no konflitu sira iha komunidade sira. Relasaun mak sentru iha komunikasaun ne’ebé halo iha kontaktu diretu ho ema sira no esperiénsia sira.

Relasionamentu epistolár kontinua iha empeñu edukativu ho menina sira. Madre Mazzarello mak feto komuñaun nian, hatene moris sentifu profundu realidade “komunikativa”, iha kapasidade atu kria interasaun, komunika an rasik no halo espasu akolledora, atu ema seluk bele esprime nia an no rekoñese an rasik.