Dili – Setembru mak fulan Bíblia nian, tan  ne’e kreda husu ba sarani sira atu hadomi Maromak nia futar liafuan hodi le’e loron-loron. Iha fulan Bíblia ida ne’e, molok atu remata fulan, iha loron 27, komunidade Divina Providenza  lakohi lakon  oportunidade di’ak ne’e, hodi oferese mós ba menina sira atividade sira ne’ebé iha relasaun ho sira nia formasaun liu-liu iha parte Espirituál nian.

Atividade sira ne’e fahe ba parte rua : Iha parte primeiru oferese ba sira  konkursu kona ba oinsá loke Bíblia no le’e. No  parte  daruak halo “Diskursu kona ba Evanjellu ”ne’ebé determina tiha ona (konkorente ida-idak haklean tema ne’ebé lahanesan :1: Jezús belun ba sira ne’ebé lakon esperansa Mat, 14: 22-33. No 2. Jezús belun ba sira ne’ebé lakon dalan, Jo. 11 : 1- 44. No. 3. Jezús belun ba sira ne’ebé hakribit sira nia salan. Apok, 3:14-22 ). Diskursu Bíblia ne’e ho tema jerál mak  “JEZÚS, ITA NIA BELUN BOOT IHA ITA NIA JORNADA”. Atividade ne’ebé komunidade oferese ba foin-sa’e sira ne’e, mak ho objetivu atu tulun sira, koñese no hadomi liután Maromak nia liafuan iha sira nia moris loron-loron nian. Ikus liu ami taka konkursu ne’e ho drama badak ida ne’ebé ko’alia kona ba oinsa foin-sa’e sira liga sira nia telefone ho Maromak iha tempu modernu ida ne’e.

Obrigada.

Komunidade Divina Providénsia