FMA VENILALE

16-17 JULLU

Kompetisaun VOCAL GROUP NO PINTA

Iha loron 16 loraik, reprezentante husi eskola EBF 2⁰ Siklu Uato – Haco, EBC S. Cristovão 2⁰ Siklu no 3⁰ Siklu, ABFR ( Aspirantadu Beatu Filipi Rinaldi ) no ETV Mazzarello Venilale halo kompetisaun Vocal Group hakerek knananuk ba Madre Mazzarello no dansa hinu 150 no kria nia asaun rasik la kopia husi orijin.

Ikus mai sai manan na’in iha nivel ensinu Báziku 2⁰ Siklu mak EBF Uatu – Haco iha Vocal no dansa. Iha nivel EBC 3⁰ klasifikasaun I iha vocal mak ABFR no dansa husi S. Cristovão.

Hafoin iha loron 17 iha loraik, kompetisaun pinta imajen Madre Mazzarello nian. Partisipante sira ne’ebé tuir kompetisaun ne’e mai husi; EBFC 2⁰ Siklu Uato- Haco no Wai- Cana. EBC 3⁰ husi ABFR, S. Cristovão, Uai- Bua no Uai- Laco no nivel Sekundária husi ETV MAZZARELLO. Ida ne’ebé sai manan na’in klasifikasaun I iha nivel EBC 2⁰ mak EBFC Uato – Haco, iha nivel EBC 3⁰ mak ABFR Venilale.

Ohin iha oras hanesan, halo mos Sertame ba Oratorianu sira husi Oratorio S. Filipi Neri sentru, Oratoriu Madre Mazzrello Fatulia no Oratoriu B. Carlo Acutis Osso – Hula. Manan na’in mak Oratorio B. Carlo Acutis Osso – Hula.

Partisipante sira ne’e ho ksolok tebes hatudu sira nia talentu liu husi dansa, kanta, pinta no dekora. Parabens no agradese ba mestre/a sira ne’ebé suporta no akompaña.

(Alice Filipe FMA)